Umugore wari ufite agahigo ko kugira ibiro byinshi ku isi yitabye Imana

Eman Ahmed Abd El Aty, umugore w’umunya Misiri wari ufite agahigo ko kuba ari we wa mbere upima ibiro byinshi ku isi bigera kuri 500, yitabye Imana ku myaka 37 y’amavuko.

Eman Ahmed Abd El Aty wari mu birato I Abu Dhabi muri Leta Zunze Ubumwe z’Abarabu, (United Arab Emirates) mu gihugu cya Emirats Arabes Unis (UAE), yabanje kujya mu gihugu cy’u Buhindi mu ntangiriro z’uyu mwaka aho bagerageje kumugabanyiriza ibiro mu buryo bwa "bariatric weight loss surgery" ariko ubuzima bukaba bwanze akitaba Imana kuri iki gicamunsi.
Itangazamakuru ryo mu gihugu cya Misiri ryavuze ko yataye ibiro birenga 300 ku 500 yari afite ariko ubu akaba yishwe n’ibindi bibazo by’ubuzima yari afite.
Mu itangazo ryasohowe n’ibitaro yari arimo rikaba ryavugaga ko uyu mukobwa w’imyaka 37 yari afite indwara y’umutima, impyiko zatumaga atabasha gukora neza. Ibi bitaro byagize biti "Twifatanije n’umuryango we muri aka kababaro ko kubura umwana wabo". Abd El Aty yitabye Imana kuri iki gicamunsi cyo kuri uyu wa mbere tariki ya 25 Nzeli 2017.
Abd El Aty yari i Abu Dhabi muri Leta Zunze Ubumwe z’Abarabu (Emirats Arabes Unis,UAE) kuva mu kwezi kwa gatanu aho yaje avuye i Mumbai mu Buhindi.

Daniel MUKESHIMANA’Umubavu.com



Tanga igitekerezo kuri iyi nkuru



Igitekerezo