Umugabo yishe umwana we amushyingura munsi y’igitanda cye

Uyu ni umugabo witwa Andrew Juma ukomoka mu gihugu cya Kenya mu gace ka Bungoma wivuganye umwana we akamwambura ubuzima nyuma akamushyingura mu cyumba cye munsi y’igitanda aryamaho.

Uyu mugabo bigaragara ko akiri muto ukomoka mu gace ka Bungoma mu gihugu cya Kenya akora iki gikorwa cya kinyamaswa cyo kwihekura yambura umwana we yibyariye ubuzima akamushyingura munsi y’igitanda cye.

Andrew Juma w’imyaka 36 y’amavuko yishe umwana we ntacyo amuhoye niko kwigira inama yo kumushyingura munsi y’igitanda cye bityo ubu akaba yabaye acumbikiwe ku cyicaro cya Pilisi.

Andrew Juma yari ashinzwe kwakira abantu mu kigo cyitwa Bdaboda mu gace ka Bungoma, uyu akaba yarishe uyu mwana we babanaga agacukura mu cyumba cye munsi y’igitanda aryamaho bityo akamushyinguramo.

Abaturanyi b’uyu mugabo bavuga ko yatandukanye n’umugore we amusigira uyu mwana. Aba baturanyi ngo bari bamaze iminsi batabona uyu mwana niko gutera hejuru bamubaza niko kubura icyo asubiza bityo aba baturanyi batangira kubimenyekanisha hose.
Ubwo Polisi ifatanyije n’abaturanyi ari nabo batabaje binjiraga mu cyumba cy’uyu mugabo babonye ahantu hasa nk’ahatose niko gusanga ariho yashyinguye uyu mwana.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo