Umugabo yicishije inkota umugore we  atwite inda y’amezi 7

Umugabo witwa Musangabatware arashinjwa kwica umugore we Marie Mushimiyimana amuteye inkota mu nda nyamara atwite inda y’amezi arindwi.

Uyu mugore yari yarahunze uyu mugabo waje avuye ku Gisenyi akamusanga i Ntarama mu Bugesera aho yamuhungiye amwicisha inkota. Agerageje kwiyica nawe biranga.

PNG - 906.4 ko
Mushimiyimana Marie yari yarahunze umugabo we kubera amakimbirane


Uyu mugore yishwe kuwa kabiri w’iki cyumweru tariki 02 Mutarama 2018. Bamwe mubo mu muryango we babwiye Umuseke ko yari yarahunze uyu mugabo kubera amakimbirane akomeye n’umugabo we.

Nyuma yo kumenya aho umugore we yamuhunguye, Musangabatware ukomoka i Musebeya muri Nyamagabe mu gitondo cyo kuwa kabiri ngo yageze i Ntarama aho Marie yamuhungiye arakomanga undi afungura atazi uwo akinguriye.

Ageze mu nzu ngo yamwicishije inkota yari yitwaje ayimusogota mu gihimba, atagize impuhwe z’uko atwite inda y’amezi arindwi. Abica bombi.

Umwe mu batabaye yabwiye Umuseke ko abantu bahise batabara ari benshi bumvise Marie atabaje, Musangabatware asumbirijwe n’abaturage ahita yikegeta ingoto na ya nkota ngo yiyahure ariko biba iby’ubusa ntiyapfa ahubwo arafatwa.
Ubu uyu mugabo ari kuvurirwa mu bitaro bimwe mu mugi wa Kigali.

Mukantwari Berthilde Umunyamabanga nshingwabikorwa w’Umurenge wa Ntarama yabwiye Umuseke dukesha iyi nkuru ko ubu bwicanyi bwabaye kuwa kabiri ndetse uyu mugabo koko akagerageza kwiyica yiciye ingoto bikanga.

Mukantwari avuga ko bataramenya neza niba uyu mugabo n’uyu mugore bari baratandukanye byemewe n’amategeko kuko umugore yapfuye umugabo nawe akaba yaritemye ingoto atavuga.

Marie Mukeshimana w’imyaka 38 wari wararokotse Jenoside agasigarana n’umuvandimwe we umwe gusa, we n’umwana we bashyinguwe ejo hashize kuwa gatatu.

Marie na Musangabatware bari bafitanye abana batanu atwite inda ya gatandatu. Baba babaga i Mushubi muri Nyamagabe.

Umuyobozi w’Umurenge wa Ntarama avuga ko Marie yabanaga n’abana babiri be, akaba yari afite akaduka yashinze aha i Ntarama abana be niko bararagamo we akarara mu rugo. Aba bana bakaba baratashye bucyeye bagasanga inkuru mbi iwabo.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
David Nzasingizimana Kuya 9-01-2018

Eee,niko uyumugabo ko arinyamaswa.Rekareka si umuntu,Mana weee !Ahaa uyumuntu yari yihishe mubantu pe.

Nelly Kuya 7-01-2018

Eeeeh ! uyu mugabo ni igikoko kabisa, iyo miti Bari kumuha isi gupfa ubusa. abitabye Imana baruhukire mu mahoro.

Desire Kuya 5-01-2018

ntarukundo rukibamubantu

no mubashakanye koko banabyaranye umuntu ntagirira nabana be impuhwe koko !!!!!

Desire Kuya 5-01-2018

ntarukundo rukibamubantu

no mubashakanye koko banabyaranye umuntu ntagirira nabana be impuhwe koko !!!!!

bamvuginyumvira jear fredy Kuya 4-01-2018

manawe tabara abagababo