Umugabo yanduje SIDA abagore 30 ku bushake

Vatentino Talluto, ufite imyaka 33 y’amavuko yafashwe mu 2015

Umugabo wo mu Butaliyani yakoze imibonano mpuzabitsina idakingiye n’abagore 53 inyuma y’umwaka wa 2006, amaze kumenya ko agendana ubwandu bw’agakoko gatera SIDA.

Abagera ku 30 muri abo bagore bagendanye nawe banduye SIDA bituma bamurega.
Vatentino Talluto, ufite imyaka 33 y’amavuko , mu bo yanduje harimwo uwo batangiye kuryamana afite imwaka 14 gusa.

Uyu mugabo azwi ku izina rya "Hearty Style", yashakaga abo ashuka , akoresheje imbuga za internet.

Hari bamwe bamusaba kwambara agakingirizo akababwira ko amererwa nabi iyo agakoresheje, abandi akababwira ko aheruka kwipimisha SIDA.

Bamwe mu bo bagendanye bagarutse kumubaza igihe bamariye kumenya ko banduye, yababwiraga nta SIDA afite.

Uretse abagore yanduje mu migenderanire bwite bagiranye, hari abandi bantu bane yanduje barimwo umwana n’abagabo batatu.

Umucamanza Elena Neri yabwiye urukiko ko uwo mugabo nta wundi mugambi yari afite atari gukwiragiza urupfu mu bantu.

Uwo mugabo, yabuze nyina afite imwaka ine, nawe nyine yahitanywe na SIDA no gukoresha ibiyobyabwenga, yabwiye urukiko ko iyo biba gushaka gukwiza urupfu, atari kuruha agendana n’abamuzi bazi n’umuryango we.

Yavuze ko ahubwo yari kujya ashaka bo yanduza nk’indaya mu tubari.

Urubanza rwe rwamaze masaha arenga 10 mu muhezo, imbere yo gukatirwa imyaka 24, ariko abacamanza bamusabiraga gufungwa burundu.



Tanga igitekerezo kuri iyi nkuru



Igitekerezo