Ukuri ku rupfu rwa  Faustin Twagiramungu  ruvugwa na Google

Urubuga rwa Google rwifashishwa mu gushaka amakuru ku bantu no ku bintu bitandukanye rugaragaza ko Faustin Twagiramungu wigeze kuba Minisitiri w’Intebe w’u Rwanda ubu akaba abarizwa muri Opozisiyo yitabye Imana tariki ya 14 Nzeri 2017 mu gihe hari amakuru yizewe avuga ko akiriho nta kibazo afite.

Amakuru Ikinyamakuru,Umubavu.com gikesha bamwe mu banyarwanda batuye i Bruxelles mu Bubiligi ari naho Twagiramungu atuye kugeza ubu avuga ko uyu mukambwe w’imyaka 72 y’amavuko akiri muzima ndetse ko nta kibazo afite ahubwo ko ari urubuga rwa Google rwibeshye.

Twagiramungu Faustin uyobora Ishyaka rya RDI-Rwanda Rwiza asanzwe aba i Bruxelles mu Bubiligi akomoka mu cyahoze ari Cyangugu, ubu ni mu Ntara y’Iburengerazuba.Yabaye Minisitiri w’Intebe w’u Rwanda kuva ku wa 19 Nyakanga 1994, kugeza ku wa 31 Kanama 1995, aheruka mu Rwanda 2003 ubwo yari amaze gutsindwa mu matora y’umukuru w’igihugu.

Umubavu.com



Tanga igitekerezo kuri iyi nkuru



Igitekerezo