Uko amakipe yatomboranye  muri UEFA Champions League

Tombola mu irushanwa rihuza amakipe yabaye aya mbere iwayo ku mugabane w’i Burayi (UEFA Champions League) mu mwaka wa 2017/2018, yabaye ku mugoroba wo kuri uyu wa Kane, tariki ya 24 Kanama 2017, mu muhango wabereye mu nyubako ya Grimaldi Forum mu Mujyi wa Monaco mu Bufaransa,amakipe akaba ari mu matsinda umunani.

Uyu muhango wayobowe na Andriy Shevchenko na Francesco Totti wakanyujijeho muri AS Roma.

Abakunzi b’umupira w’amaguru ku isi by’umwihariko abo ku mugabane w’u Burayi bari bategereje n’amatsiko menshi kureba amakipe bihebeye ayo bitomborana mu matsinda yo guharanira igikombe kiruta ibindi i Burayi.

U Bwongereza buhagarariwe n’amakipe atanu y’ibihangange arimo Chelsea, Tottenham, Manchester City na Liverpool yari imaze imyaka ibiri ititabira iri rushanwa ndetse na Manchester United yegukanye UEFA Europa League.

Amakipe yose uko ari 32 aturuka mu bihugu 17 byo ku mugabane w’i Burayi. Imikino ibanza mu matsinda izakinwa tariki ya 12-13 Nzeri isozwe mu Ukuboza 2017.

Uko amakipe agabanyije mu matsinda umunani :

GROUP A : Benfica, Manchester United, FC Basle, CSKA Moscow
GROUP B : Bayern Munich, Paris Saint-Germain, Anderlecht, Celtic
GROUP C : Chelsea, Atletico Madrid, Roma, Qarabag
GROUP D : Juventus, Barcelona, Olympiacos, Sporting Lisbon
GROUP E : Spartak Moscow, Sevilla, Liverpool, Maribor
GROUP F : Shakhtar Donetsk, Manchester City, Napoli, Feyenoord
GROUP G : Monaco, Porto, Besiktas, RB Leipzig
GROUP H : Real Madrid, Borussia Dortmund, Tottenham, Apoel



Tanga igitekerezo kuri iyi nkuru



Igitekerezo