Uganda : Yishwe no kubona uwari umukunzi we atwite inda y’undi mugabo

David Ntege, umugabo ukomoka mu gihugu cya Uganda yitabye Imana yishwe n’agahinda nyuma yo kubona uwari umugore we mu gace babanagamo atwite inda y’undi mugabo.

David Ntege avuga ko uyu wahoze ari mugore we yari yaragiye muri Leta Zunze Ubumwe za Amerika ajyanywe no gukomeza amasomo nyuma y’igihe gito bambikanye impeta y’ubutazatandukana.
Uyu mugabo ngo nyuma yo kubona uwari umugore we mu gace yabagamo ndetse atwite inda kandi azi neza ko atari iye cyane ko yari kumwe n’undi mugabo ngo nawe bamaranye amezi atanu bambikanye impeta, yahise ajya muri koma binamuviramo gupfa bidatinze aho yari mu bitaro byitwa Nsambya Hospital.
Uyu ni umwe mu bitabiriye ibirori by’uyu mugabo ubwo yambikanaga n’uyu mugore we mbere yuko ajya gukomereza amasomo muri Amerika. Yagize ati “ni agahinda kavanze n’umubabaro bikomeye nyuma yo kubura umuvandimwe wacu David Ntege. Ku muntu wari mu bukwe bwe rwose atekereje ukuntu bwari bwiza cyane ndetse n’urukundo bari bafitanye rwose ntawutababara. Ku munsi wa gatatu w’icyumweru gishize nibwo David Ntege yarimo atembera bisanzwe mu gace yabagamo niko kubona uwari umugore we ari kumwe n’undi mugabo kandi anatwite niko kumubaz aho ava naho ajya cyane ko yari azi ko ari muri Amerika ku masomo ariko umugore amwerurira ko bakoze ubukwe agamije kwibonera icyemezo cy’ubushyingirwe gusa, yahise yikubita hasi kuva ubwo bamujyana mu bitaro bya Nsambya Hospital ari naho yaguye”.
Yakomeje avuga ko bababajwe bikomeye no kumva urupfu rwa David wari inshuti yabo y’akadasohoka banihanganisha umuryango we ndetse n’inshuti ze.
Ngo icyateye David Ntege agahinda cyane ni uko we yari azi ko umugore we yagiye gukomereza amasomo muri Amerika nyuma bagahurira mu gace abamo ari kumwe n’undi mugabo wanamuteye inda.David yambikanye impeta na Aidha (ari we wari umugore we) mu kwezi kwa kane 2017 ngo we yishakira icyemezo cy’ubushyingirwe gusa nyamara uyu mugabo we ntiyamenya ko aricyo agamije
David Ntege yitabye Imana ku cyumweru tariki ya 01 Ukwakira 2017 aguye mu bitaro bya Nsambya Hospital. Imana imwakire mu bayo !

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo