Uganda : Umusore w’imyaka 27 agiye kwambikana impeta n’umukecuru w’imyaka 70

Steven Tikubuwana w’imyaka 27 y’amavuko ukomoka mu gihuhgu cya Uganda agiye kwambikana impeta na Zaituni Nakanda w’imyaka 70 y’amavuko mu ntangiriro z’umwaka utaha wa 2018 nkuko babyemeranyije.

Uyu mukecuru binavugwa ko kuri ubu atwitwe inda y’uyu musore ari nayo ya mbere kuko ngo atigeze abyara na rimwe, icyo umuntu yanakwita igitangaza kubera imyaka y’uyu mukecuru ngo n’ubundi bari basanzwe babana mu nzu imwe nk’umugabo n’umugore mbere yuko bafata iki cyemezo cyo kuzasezerana bakambikana impeta y’ubudatana.
Iyi nkuru ikaba yatumye abantu batandukanye bahaguruka bibaza icyateye uyu musore gufata icyemezo nk’iki bo bise ko ikigayitse bashingiye ko uyu mukecuru ashaje rwose. Ngo gitangaje cyane kandi nuko uyu mukecuru atwite inda y’uyu mwana wakamubereye umwuzukuru we.
Steven Tikubuwana yavuze ko akunda cyane Zaituni Nakanda kuko ngo atandukanye n’abandi bose kubera amwizera cyane kandi akanamwitaho uko ashoboye kose bitandukanye n’uwari umukunzi we wa mbere.
Nkuko ikinyamakuru Sunday Vision kibivuga ngo Zaituni Nakanda n’umukunzi we Steven Tikubuwana basanzwe babana mu nzu imwe y’uyu mukecuru nk’umugore n’umugabo ari naho yakuye gutwara inda ikintu gitangaje ugendeye ku myaka afite.
Steven Tikubuwana n’umukunzi we barateganya kwambikana impeta y’ubudatandukana mu ntangiriro z’umwaka Utaha kandi ngo ibirori byabo bikazitabirwa n’imiryango yabo gusa nkuko uyu musore abitangaza.
Steven Tikubuwana avuga ko yahuye na Zaituni Nakanda nyuma yo kwirukanwa ku kazi aho yahise yimukira mu nzu ye bagatangira kuyibanamo ubwo ari naho hakomotse urukundo rwabo ndetse bikanarangira amuteye inda bakanemeranya kuban akaramata.
Uyu musore yabwiye Sunday Vision ati “ nkimara kwirukanwa ku kazi, nabuze aho kuba nibwo yampaye ikaze iwe arancumbikira ku gihe cy’amezi abiri yose,yabanje kujya antinya ariko nyuma yaje kuntinyuka tukajya tuganira”.
Steven Tikubuwana w’imyaka 27, yafashe iki cyemezo nyuma yo gutandukana n’umugore we wa mbere bari bafitanye abana 2, umwe w’imyaka 4 n’undi w’imyaka 8 ubu bibanira na mama wabo mu kandi gace. Ku rundi ruhande, uyu mukecuru Zaituni Nakanda ngo nawe tatandukanye n’umugabo we wa mbere mu myaka ya 1993 akaba yari yarasigaye wenyine yibera mu nzu ye. Umugabo we babanaga mbere ntibigeze babyarana umwana n’umwe ariko igitangaje aho abaniye n’uyu musore akaba yaramutwitse inda ubu akaba atwite rwose.
Gusa ngo abaganga bamupimye bo ku bitaro bya Mulago mu gihugu cya Uganda bakomeje guhakana ko uyu mukecuru atwite ariko we akomeza kubihamya avuga ko rwose yumva atwite ko kandi abyiyumvamo mu mubiri we.
Abaturanyi ndetse n’inshuti z’uyu muryango bakomeje kwamaganira kure urukundo rw’uyu mukecuru ndetse n’uyu musore bavuga ko bidasanzwe mu muco wabo ko ndetse bitemewe ariko bakomeza kubabera ibamba bavuga ko ntacyababuza kwambikana impeta nkuko babyemeranyijweho.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo