Uganda: Umudepite wakanguriye abagabo gukubita abagore babo arasabwa kwegura

Umwe mu Badepite bagize Inteko Inshinga Amategeko ya Uganda yasabwe gusaba imbabazi abagore cyane cyane abakunze gukorerwa ihohoterwa mu ngo zabo bakubitwa n’abagabo babo nyuma y’aho abwiriye abagabo ko bari bakwiye kujya bakubita abagore babo, ibi bikaba byakururiye uyu mudepite akaga asabwa n’abantu benshi kwegura dore ko n’Inteko igiye gukora igenzura ku mvugo yakoresheje.

Learn how to Thrive

Uyu mudepite witwa, Onesimus Twinamasiko yavugiye kuri Televiziyo yo muri Uganda, NTV amagambo akangurira abagabo kujya bakubita abagore babo agira ati "nk’umuntu w’umugabo ugomba guha indero umugore wawe”.

Ku munsi mpuzamahanga w’abagore, ubwo umukuru w’igihugu, Yoweri Kaguta Museveni yari yawizihirije mu Karere ka Mityana, umwe mu bagize Inteko Ishinga Amategeko, Onesimus Twimanasiko yatangaje ko ‘abagore bagomba kujya bakubitwa kugira ngo bubahe abagabo babo.

Ibi yabivugiye kuri televiziyo ya NTV nyuma y’ikiganiro Museveni yavuze agira ati “abagabo bakubita abagore babo ni ibigwari kandi ikirenzeho ni uko bagomba kujya bahanwa n’itegeko.”

NTV imubajije niba ajya akubita umugore we, yavuze ko abikora yongeraho ko byaba bibi biramutse bigeze hanze, ati “umuntu aba agomba kubikora mu ibanga.”
Nyuma y’iki kiganiro MTV yahise ibisangiza abayikurikira mu mashusho.

Umuvugizi w’Inteko Ishinga Amategeko, Rebecca Alitwala Kadaga yahamagariye abayobozi gukora igenzura ku mvugo ya mugenzi wabo ijyanye n’ihohoterwa rikorerwa mu ngo.

Abantu benshi banze kunigwa n’ijambo kuri iyi mvugo, bifashishije imbuga nkoranyambaga nka Twitter barakoresha imvugo “Twimanasiko agomba kwegura.”

PNG - 668.7 kb
Depite Onesimus Twinamasiko arasabwa kwegura ku mirimo ye kubera amagambo ye yo gukangurira abagabo gukubita abagore babo

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo