Uganda: Ubwicanyi bukabije bushobora gutuma hasubizwaho igihano cy’urupfu

Agenzura ingabo zishinzwe gucunga umutekano wa gereza ahitwa Luzira Prisons Training Academy , Perezida w’a Uganda, Yoweri Museveni yavuze ko agiye kwisubiraho kuho ahagaze ku bijanye n’igihano cy’urupfu mu ntumbero yo guhashya ubwicanyi bukorwa mu gihugu ayoboye.

Museveni yagize ati "Nibaza ko kugira impuhwe cyane bivamo ingorane. Abicanyi bumva ko bafite uburenganzira bwo kwica abantu uko bishakiye...nibaza ko ngiye kubisubiramo nkamanika bamwe muri bo. Nzisubiraho kuho mpagaze."

Uganda ifite ibyaha 28 bihanwa n’igihano cy’urupfu, icyo gihugu kikaba icya mbere gifite umubare munini w’ibi byaha muri Afrika.

Kuri ubu, abanyororo bagera kuri 278 bakatiwe igihano cy’urupfu.

Icyakora abana, abagore n’abafise indwara zo mu mutwe bo ntibarebwa n’iki gihano.
Mu gihugu cya Uganda, igihano cya nyuma cy’urupfu cyatanzwe mu mwaka wa 2005.

PNG - 644.4 kb
Museveni aravuga ko kubera ubwicanyi ashobora kuzasubizaho igihano cy’urupfu

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo