Uganda : Imyigaragambyo yamagana ihindurwa ry’Igegeko Nshinga ikomeje gufata indi ntera

Igipolisi cya Uganda cyateye ibyuka biryana mu maso abantu bari bari mu myigaragambyo yo kwamagana umugambi uhari wo guhindura Itegeko Nshinga bivugwa ko ari amayeri ya Perezida Museveni ashaka gukoresha ngo agume ku butegetsi.

Uyu mugambi ushyizwe mu bikorwa, harimo ingingo yaha uburenganzira umukuru w’igihugu asanzwe uri ku butegetsi ari we Yoweri Kaguta Museveni bwo gukomeza kuyobora igihugu ubuzima bwe bwose.
Iyi ngingo biteganyijwe ko izasuzumwa mu nama y’abadepite kuri uyu wa kane nubwo hari abantu batari bake batangiye guhaguruka babyamagana. Mu barwanya ihinduka ry’iyi ngingo harimo abayobozi b’amadini, amashirahamwe yigenga, n’amashyirahamwe y’abatavuga rumwe na Reta.

Igipolisi cya Uganda cyari cyaraye gitangaje ko nta myigaragambyo ishyigikira cyangwa yamagana umukuru w’igihugu yemewe. Nyamara abatavuga rumwe na Leta biyemeje ko batazabura kwamaganira kure kandi bivuye inyuma ingingo iyo ari yo yose yatuma Perezida Yoweri Museveni aguma ku butegetsi ubuzima bwe bwose. Ibi biraba mu gihe Yoweri Kaguta Museveni amaze imyaka irenga mirongo itatu (30) ari ku butegetsi.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo