Uganda : Impanuka ikomeye yahitanye 14 abandi  17 barakomereka

Abantu 14 nibo bitabye Imana naho abandi 17 barakomereka bikomeye mu mpanuka yabereye mu muhanda munini wa Masaka-Kampala mu gihugu cya Uganda.

Polisi ivuga ko ikamyo ifite purake UAG 970P yuriye bus ya coaster ifite purake TZ540DLC ahitwa i Katonga mu ijoro ryo kuri iki Cyumweru tariki 17 Nzeri 2017.

Umuvugizi w’Igipolisi cya Uganda mu gace ka Katonga ,Phillip Mukasa yabwiye Chimpreports ko iyi mpamnuka yatewe nuko ikamyo yaje guturika ipine.

Ati’’Ikamyo yataye umuhanda nyuma y’uko ipine ryayo rituritse aho yahise ikubitana na coaster’

Ngo polisi yaje gutabara isanga iyi kamyo yuriye iyi bus n’abagenzi barimo.

Amakuru akomeza avuga ko benshi mu bakomerekejwe n’iyi mpanuka ubuzima bwabo
buri hagati y’urupfu n’umupfumu.

Gabriel Habineza/Umubavu.com



Tanga igitekerezo kuri iyi nkuru



Igitekerezo