Uganda:Arashinjwa  kwica umukecuru w’imyaka 80  nyuma yo kumusambanya

Polisi yo mu Karere ka Gulu iratangaza ko ifunze umugabo w’imyaka 24 y’amavuko aho akurikiranyweho kwica umukecuru w’imyaka 80 nyuma yo kumusambanya.

Polisi ikomeza ivuga ko umurambo w’uyu mukecuru witwa Rosa Atto wasanzwe ku kagezi gato kitwa Oyitino kuri metero ijana uvuye mu rugo rwe mu gace ka Keyi.

Umuvugizi w’Igipolisi cya Uganda mu gace ka Aswa, Patrick Okema akaba yarabwiye Chimpreports dukesha iyi nkuru ko uyu mugabo yahise afatirwa hafi aho ndetse ko mu rugo iwe polisi yahasanze urumogi.

Ibipimo byo kwamuganga bikaba byaragaragaje ko uyu mukecuru imbavu ze zari zavunitse ndetse yari afite ibikomere ku mutwe.

Gabriel Habineza/Umubavu.com



Tanga igitekerezo kuri iyi nkuru



Igitekerezo