USA : Yivuganye umukunzi we amurashe aryamye

Cierra Sutton w’imyaka 30 y’amavuko wo muri Leta Zunze Ubumwe za Amerika mu mugi wa Texas, arashinjwa kwivugana umukunzi we amurashe aryamye akamucagaguramo ibice nyuma yo kunanirwa gutwara umurambo we agiye kuwuhisha mu bishingwe.

Uyu mugore w’imyaka 30 y’amavuko utagira umutima wo muri Amerika mu mugi wa Texas, arashinjwa kwica umukunzi we amurashe aryamye asinziriye nyuma akamucagaguramo ibice akajya kumutaba mu bishingwe.
Urukiko ruvuga ko Cierra Sutton yarashe umukunzi we Steven Coleman w’imyaka 32 y’amavukoamurasiye mu rugo iwe I Houston tariki ya 16 Nzeli. Steven Coleman na Cierra Sutton bari bafitanye umwana w’umukobwa w’imyaka icumi, nyina akaba yarakoze aya mahano ari mu nzu.
Iperereza ryakozwe ngo ryasanze uyu mugore yaracagaguyemo umubiri w’umugabo we nyuma akajya gutaba ibisigazwa by’umubiri we mu bishingwe mu mugi kandi ahantu hagiye hatandukanye agamije gusibanganya ibimenyetso by’ubu bwicanyi.

Ahaswe ibibazo n’ubugenzacyaha, uyu mugore yavuze ko yemera iki cyaha cyo kwica umukunzi we amurashe asinziriye ndetse nyuma akamukatamo ibice kuko yari yananiwe kwitwaza umurambo we wenyine. Nyuma y’iminsi ibiri uyu mugore akoze iri bara nibwo yagiye ku cyicaro cya polisi kimwegereye abeshya ko umugabo we yabuze kandi ko akeka ko bamurashe.
Ibice bimwe by’uyu mugabo byatoraguwe n’abantu mu bishingwe bahita bamenya ko ari we bagendeye ko bari basanzwe bamuzi ari bwo polisi yahise ihamagaza umugore we ngo ahatwe ibibazo basanga yacikiye muri Louisiana aho yaje kuvumburwa nyuma yo gushakishwa. Nyuma kandi polisi yaje kubona amaraso mu rugo rw’uyu mugore bahita bamuta muri yombi.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo