USA : Inkongi y’umuriro yivuganye umuntu mu muturirwa wa Perezida Trump ‘Trump Tower’

Nyuma yuko umuriro wadutse mu nyubako ya Perezida wa Leta Zunze Ubumwe za Amerika, Donald Trump izwi nka ’Trump Tower’ iherereye mu mujyi wa New York, umuntu umwe yahise ahasiga ubuzima abandi bane nabo barakomereka nkuko byatangajwe n’abageragezaga kuzimya iyi nkongi.

Uwivuganywe n’iyi nkongi ni umugabo wari usanzwe aba muri uyu muturirwa wa Trump Tower. Yapfuye amaze kugezwa kwa muganga nk’uko abategetsi bashinzwe ibyo kurwanya umuriro babitangaje.

Uretse uyu mugabo wabaga muri iyi nyubako na Perezida wa Amerika, Donald Trump afite aho aba n’ibiro bye muri iyi nyubako.

Ubwo ibi byabaga ku munsi w’ejo ku Cyumweru Trump, umugore we Melania n’umuhungu wabo Baron bari i Washington DC.

Uwo muriro wadutse mu igorofa ya 50, irimo amazu abantu babamo ndetse n’ibiro. Icyaba cyarateye uwo muriro ntikiramenyekana.

Uyu muriro watangiye kugaragara ku isaha ya saa yine ku isaha ngengamasaha ya GMT.

Daniel MUKESHIMANA@Umubavu.com



Tanga igitekerezo kuri iyi nkuru



Igitekerezo