U Bwongereza : Ku myaka 4 gusa y’amavuko ni umupolisi wo mu muhanda

Mu gihugu cy’u Bwongereza mu mugi wa Londres, umwana w’imyaka 4 gusa y’amavuko yakoze ku mitima ya benshi aho kuri ubu ari umupolisi kandi agafasha abapolisi bakuru mu kugenzura umutekano wo mu muhanda kandi anambaye impuzanmkano (Uniform)ya gipolisi nkuko byari mu nzozi ze.

Jake Manuel w’imyaka 4 y’amavuko ubu ni umupolisi wujuje ibyangombwa nk’abandi bose ushinzwe umutekano wo mu muhanda kuko kuri ubu yirirwana n’abapolisi bakuru mu mihanda yo mu mugi wa Los Angeles agenzura ibinyabiziga bitubahiriza amategeko yo mu muhanda.

Nkuko uyu mwana abivuga ngo yari afite inzozi zo kuzungiriza umukuru w’igipolisi ushinzwe ishami ry’umutekano wo mu muhanda ari we Tyson Harris none kuri ubu akaba yarakabije inzozi ze ku myaka ye 4 gusa.

Umwe mu bamubonye mu muhanda bari mu binyabiziga byabo bagatangazwa n’uwo mupolisi yagize ati”twatangajwe nuko ahagera ku gihe. Ntawutamutangarira uburyo akora akazi ke neza kandi agakunze cyane”.
Umuryango w’uyu mwana uvuga ko rwose agenda kare mu gitondo nk’abandi bakozi bose ikintu nabo cyabatangaje cyane. Ikindi ngo nuko ntawumusuzugura yitwaje ingano ye ahubwo abatwara ibinyabiziga bose bubaha ibyo ababwiye.

Umwe mu batwara ibinyabiziga mu magambo ye ati “ntawumusuzugura yitwaje ngo nuko ari umwana ahubwo byaba ari n’ikibazo gikomeye cyane ubonye umwana nk’uriya mu muhanda akuyobora ukamusuzugura, uwo byagaragaraho yagakwiye guhanwa bikomeye”.

Jake Manuel ngo ubu niwe wungirije umuyobozi wa polisi ukuriye ishami ry’umutekano wo mu muhanda. Ngo gusa ibi byose babimukoreye ku munsi we w’isabukuru y’imyaka 4 y’amavuko kuko bajyaga babona akunda igipolisi cyane bityo bituma atangira uyu mwuga kuri uyu munsi we w’isabukuru. Ababyeyi be bavuga ko bizeye neza ko inzozi z’umwana wabo nta kabuza azazikabya nta kirogoya.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo