U Bushinwa ntibuvuga rumwe na Amerika ku mugambi wayo w’ibitwaro kirimbuzi

Igihugu cy’u Bushinwa kirasaba Leta Zunze Ubumwe za Amerika kureka ibikorwa bituma habaho kurebana ay’ingwe nyuma y’aho ivugiye ko ifite umugambi wo gutegura gukora ibitwaro by’ubumara mu gukora amabombe mato mato.

Ku cyumweru, Minisitiri w’Ingabo w’u Bushinwa yavuze ko igihugu gifite ibitwaro kirimbuzi byinshi ku isi cyakagombye gutanga urugero aho gukomeza umugambi w’izi ntwaro nyamara zibuzwa ibindi bihugu.

PNG - 422.8 ko
Ibitwaro by’ubumara bya Amerika birimo ibyo ku butaka, ku mazi no mu kirere


Igisirikare cya Amerika kivuga ko ibitwaro bya kirimbuzi bafite ari binini ku buryo bitakoreshwa neza bikaba bikenewe ko hakorwa amabombe mato mato. Ibi nibyo byateye u Burusiya kwamagana uwo mugambi wo gukora ibitwaro bito bito nkuko Amerika yabitangaje.

PNG - 376.9 ko
Ubwato bwa Amerika bugendera munsi y’amazi buri muri Koreya y’Epfo


Amerika ifite ubwoba ko ibitwaro kirimbuzi ifite bishobora kudakora kandi hakanibazwa niba nta bwoba byatera u Bushinwa, u Burusiya, Koreya ya Ruguru na Iran, ibihugu bishobora kutaborohera.

Inyandiko yasohowe na Minisiteri y’Ingabo ya Amerika ku munsi wa gatanu izwi ku izina rya ’Nuclear Posture Review (NPR), ivuga ko gukora ibitwaro kirimbuzi bito bito bizafasha Amerika kutongera gusuzugurwa ukundi. Ibyo bitwaro nta ngufu nyinshi bifite ariko bishobora konona byinshi.

PNG - 147.8 ko
Iyi ni ikarita yerekana imibare ya 2017 y’ibitwaro by’ubumara bifitwe na buri gihugu

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo