U Burayi burashinjwa uruhari mu iyicarubozo rikorerwa impunzi muri Libya

Umuryango Mpuzamahanga uharanira uburenganzira bw’ikiremwamuntu ku isi, Amnesty International uremeza ko zimwe muri za Guverinoma zo mu Burayi zifite uruhare mu iyicarubozo rikorerwa impunzi mu gihugu cya Libya.

Amnesty International ivuga ibi kubera ko ngo izo guverinoma zifasha abacunga inkengero z’amazi ya Libya n’abayobozi b’ibigo abo bantu bafungiyemo mu gihugu.

PNG - 662.6 kb
Ubwato butwara abimukira bufatwa n’abacunga inkombe za Libiya


Uwo muryango kandi urashinja bamwe mubacunga inkengero z’amazi muri Libya gukorana n’abacuruza abantu.

Mu mwaka wa 2016 Umuryango w’Uburayi wateye inkunga ibikorwa byo gucunga inkombe z’amazi.

Mu bihe byashize uwo muryango wakomeje kwemera ko impunzi ziri muri Libya zikorerwa ihohoterwa, ariko ushimangira ko watanze amafaranga yo gufasha kuzamura imibereho y’izo mpunzi no gufasha abashaka gusubira iwabo.

Benshi mu mpunzi ziri muri Libya bakorerwa iyica rubozo, ihohoterwa ndetse no gukoreshwa imirimo y’agahato n’abarwanyi, ari nabo bacunga byinshi mu bigo bifungiyemo izo mpunzi.
Uwo muryango urengera ikiremwamuntu uvuga ko amategeko y’Uburayi agamije guca burundu inzira iva muri Libya yerekeza mu Burayi abahunga bakoresha kandi mu buryo butemewe n’amategeko.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo