U Buhinde : Yaciye agahigo ko kugira impamyabumenyi nyinshi ku isi

Professor VN Parthiban w’imyaka 56 wo mu gihugu cy’u Buhinde yaciye agahigo ko kuba ari we ku isi ufite impamyabumenyi nyinshi (Degrees) aho afite 145 yakoreye mu gihe cy’imyaka 30 yose ariko nkuko abitangaza ngo nta gahunda afite yo kurekeraho kwiga.

Dukunda kugenda tubona ndetse tunumva abantu batandukanye bakora udushya dutandukanye bakabihemberwa ndetse bamwe bakanandikwa mu gitabo cyandikwamo abantu bakoze ibintu bidasanzwe ku isi kizwi nka “Guiness World Book Records” ariko uyunguyu we yakoze agashya ko kuba ari we ku isi umuntu yavuga ko ari we wize amashuri menshi ku isi bikanamuhesha kuba ari we utunze impamyabumenyi nyinshi ku isi zigera kuri 145 yakoreye mu gihe cy’imyaka 30 yose.
Professor VN Parthiban w’imyaka 56 uvuka mu gace ka Chennai mu gihugu cy’u Buhinde, avuga mu masomo ye yagiye ahura n’ibzazane by’umwihariko kubona impamyabumenyi ye ya mbere ya kaminuza bikaba byaramugoye cyane kubera yari yagiye mu ishami atumva neza.
Ibi byaje gutuma adahita abona impamyabumenyi ye ya kaminuza ku nshuro ya mbere aho byamusabye gusubiramo aza kugira amahirwe arayibona. Nyuma yo gusoza kaminuza, yavuguruye imyigire binamufasha gukomeza kugenda abona izindi mpamyabumenyi mu mashami aytandukanye.
Izi mpamyabumenyi yagiye azibona mu mashami atandukanye kuko yarangizaga ishami rimwe agahita ajya kwiga mu rindi. Gusa igisa nk’igisekeje nuko avuga ko nta gahunda yo guhagarika amasomo ye afite.
Mu kiganiro n’itangazamakuru yagize ati “izi mpamyabushobozi nazibonye mu myaka 30 kandi nkaba nkikomeje kwiga, ubu ndi gutegura ibizamini ndetse nsaba n’indi myanya muri kaminuza zitandukanye ngo nkomeze amasomo yange”.
Muri izi mpamyabumenyi ze harimo Masters 3 zo mu masomo y’ubumenyi (sciences), Masters 8 zo mu mategeko, Masters 8 zo mu bucuruzi, Masters 9 zo mu bucuruzi n’imiyoborere, Masters 10 zo mu bugeni (Arts) na 12 zo mu yandi masomo atandukanye.
Uyu mugabo ngo aya masomo yatumye agira ikibazo mu mutwe ku buryo rimwe na rimwe yibagirwa abantu yari asanzwe azi. Kuri ubu afite umugore umwe n’abana 2.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo