Tom Rwagasana yarekuwe , urubanza rwa Sibomana Jean rurasubikwa

Kuwa gatatu tariki ya 16/08/2017 nibwo urukiko rukuru (Haute Court) rwafashe umwanzuro ku bujurire bwa Tom Rwagasana wari wasabye ko yafungurwa kubera ko arwaye indwara idashobora kuvurirwa mu Rwanda.

Uru rukiko nyuma yo kwakira ubujurire bwa Tom Rwagasana wari amaze iminsi 100 afunganywe na bagenzi be barimo Madam Christine Mutuyemariya, Salton Niyitanga n’abandi., bwatangaje ko rumurekuye by’agateganyo kugira ngo abanze yivuze kuko rwasanze afite uburwayi bukomeye nyuma yo kugaragarizwa ibimenyetso bifatika birimo impapuro zo kwa muganga zaturutse (mu bitaro byitiriwe umwami Faycal) zimenyesha gereza yuko butagishoboye gukurikirana uburwayi bwe.

Kuwa 02/08/2017 nibwo umushinjacyaha yari yasabye urukiko rwisumbuye rw’akarere ka Gasabo kuba rurekuye Tom Rwagasana kubw’impamvu z’uburwayi ariko bikaza kurangira rumwongereye indi minsi 30 maze ahitamo kujyana ubujurire bwe mu rukiko rukuru (Haute Court) ruhita rumurekura.



Tanga igitekerezo kuri iyi nkuru



Igitekerezo