Tanzaniya irasaba ubutabera ku basirikare bayo bishwe

Leta ya Tanzaniya irasaba ONU gukora iperereza ku rupfu rw’abasirikare bayo bishwe mu cyumweru cyashize ubwo bari mu gikorwa cyo kugarura amahoro n’umutekano mu gihugu cya Repubulika Iharanira Demokarasi ya Congo (RD Congo).

Mu gihe hibukwaga aba basirikari bapfuye, Minisitiri w’Intebe, Kassim Majaliwa yavuze ko imiryango yabo na Leta bifuza kumenya neza uburyo aba basirikari bishwe nkuko BBC ibitangaza.

Igitero giheruka ni cyo cya mbere cyatwaye abasirikari benshi ba ONU
Leta ya Tanzaniya ihamagarira Umuryango w’Abibumbye, Onu gukoresha iperereza ku mugaragaro ku maraso yasesetse y’abasirikare b’abatanzaniya, kugira ngo ukuri kujye ahabona, ubutabera bugerweho.

Tanzaniya ivuga ko yizeye neza ko ibi isaba bizakorwa kandi mu gihe gito gishoboka.
Icyo gitero cyaguyemo aba basirikari ba Tanzaniya, ngo nicyo gihitanye abantu benshi bo mu ruhande rw’abashinzwe kugarura amahoro n’umutekano ba Onu mu myaka 25 ishize.

Onu yo ishinja ubu bwicanyi inyeshamba z’Abagande zo mu mutwe wa "Alliance for Democratic Forces" (ADF) nubwo nta bimenyetso bifatika bibyemeza bihari.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo