Tanzaniya : Inzoga itemewe n’amategeko yivuganye abantu 9

Mu mujyi wa Dar es Salaam mu gihugu cya Tanzaniya abantu 9 bapfuye abandi benshi bajyanwa mu bitaro nyuma yo kunywa imwe mu nzoga zitemewe n’amategeko yitwa gongo.

Ubuyobozi bwa Tanzaniya bwemeza ko iyi nzoga yarimo ubumara bwitwa ’GV’ cyangwa "Gentian violet", umuti ukoreshwa ku mubiri watewe na virusi zitandukanye bityo bikaba biri kuvugwa ko aribwo bwaba bwatumye aba bantu bapfa.
Mu gihe inzoga zisanzwe zikorwa hakoreshejwe imbuto cyangwa imboga, hari abandi bongeramo ubumara bwica kugira ngo ikare cyane bityo inakundwe n’abakiriya benshi. Gusa nta muntu numwe wafashwe ku bijanye n’ibi byabaye.

Iyo nzoga bita "gongo" niyo inyobwa kurusha izindi nzoga kubera ko ariyo ikaze uyigereranyije n’izindi.

Ubuyobozi bwa Tanzaniya kugeza ubu ntiburabasha guhagarika ikoreshwa ry’iyi nzoga, bikanavugwa ko bamwe mu bayobozii bari mu bayinywa abandi bakaba mu bayikoresha mu bucuruzi bwabo.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo