Syria yahaye gasopo Abasirikare ba Amerika ku butaka bwayo

Ubutegetsi bwa Syria bwavuze ko gahunda ya Leta Zunze Ubumwe za Amerika yo kohereza ingabo zabo mu gihugu cya Syria mu gihe kitatangajwe, ari igikorwa cy’agasuzuguro ibi bikaba ari byo byatumye batanga gasopo ku ngabo za Amerika ku butaka bwabo.

Abanyamerika bavuga ko iyo gahunda yatangajwe mu cyumweru gishize, ifite intumbero yo kurwanya umutwe wiyita uwa Leta ya Islam (Islamic State).

Umwungiriza wa Minisitiri w’Ububanyi n’Amahanga w’igihugu cya Syria, Faisal Mekdad, yabwiye BBC ko ari ikosa rikomeye cyane batakomeza kwihanganira.

Amagambo ya bwana Mekdad ashyizwe hanze mu gihe hategerejwe ibiganiro bishya bya ONU bitangira kuri uyu munsi i Vienne mu gihugu cya Autriche.

Ibiganiro biheruka nta kintu gifatika byagezeho bityo Leta n’amashyaka atavuga rumwe nayo bakaba bitezwe gusubira guhura mu biganiro imbona nkubone.

PNG - 677.8 kb
Syria ivuga ko kubona Abasirikari ba Amerika ku butaka bwayo ari agasuzuguro

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo