Somalia : Igitero cy’abiyahuzi cyahitanye abasirikare  ba Leta 15

Igitero cy’umutwe w’iterabwoba wa Al-Shabab ku birindiro by’inteko z’igihugu cyahitanye abasirikare 15 mu murwa mukuru i Mogadishio mu gihugu cya Somalia.

Umuvugizi w’umutwe w’iterabwoba wa Al-Shabab yavuze ko abarwanyi b’umutwe ayoboye bifatiye bimwe mu birindiro by’ingabo ndetse n’agace ka Barire gaherereye mu birometero 50 mu magepfo ashyira uburengerazuba bw’umurwa mukuru Mogadishio. Yavuze ko abasirikare ba leta 21 bishwe abandi bagahunga.

Leta ya Somalia n’uyu mutwe w’iterabwoba wa Al-Shabab bikunze gutanga imibare indukanye cyane cyane iyo bavuze ku bantu baba baguye mu mirwano cyangwa mu bitero.

Igihugu cya Somalia kirangwamo umutekano muke kuva mu mwaka wa1991 ubwo abaturage bo mu miryango itandukanye bakuraga ku butegetsi Perezida Mohamed Siad Barre nyuma bakaza gusubiranamo.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo