Rubavu:Habonetse umurambo w’umusore bivugwa ko atazwi

Abaturage bo mu Murenge wa Nyamyumba babonye ku muhanda umurambo w’umusore uri mu kigero cy’imyaka 25 mu gitondo cyo kuri uyu wa Kane tariki 26 Ukwakira 2017.

Amakuru akaba yemejwe n’Umunyamabanga Nshingwabikorwa w’agateganyo w’Umurenge wa Nyamyumba, Nzamwita Phocas, wavuze ko batabashije kumenya umwirondoro w’uwo musore abaturage babonye yishwe.

Uyu muyobozi yashimangiye ko mu gitondo cyo kuri uyu wa Kane mu Kagari ka Pfunda, Umudugudu wa Kinigi, hafi n’umuhanda ujya i Karongi abaturage bihitiraga aribwo babonye umuranbo w’umugabo uri mu kigero cy’imyaka 25 batazi.

Ati ’’Natwe ntabwo tuzi uko wahageze turacyategereje Polisi ko ihagera igakora akazi kayo. Biragaragara ko ari abamwishe bakaza kumuhajugunya kuko aho bamusanze nta cyerekana ko bahiciye umuntu.’’



Tanga igitekerezo kuri iyi nkuru



Igitekerezo
KAYUMBA J.M.V Kuya 26-10-2017

Iyi nkuru se yaba ari impamo ko abantu bose nabajije baturiye muri ako gace ntacyo bayaziho.