River Studio : Inzozi  Producer Sam yahoranye zibaye Impamo

Ndikumukiza Samwel uzwi kw’izina rya Producer Sam ufite inzu itunganya umuziki yitwa River Studio kuri ubu yamaze gushyira mu ngiro ibyifuzo by’abagana iyi nzu itunganya ibihangano kuko yamaze gutangira gukora amashusho (Audio-Visuel Production) nkuko avugako ari indoto yahoranaga kuva kera yakwinjira mu muziki .

Mu mwaka wa 2014 mu kwezi kwa Kamena ubwo Sam yashyiraga kumugaragaro iyi studio yari yavuzeko agiye kwagura ibikorwa bye ndetse n’imikorere yiyongere aho yateganyaga ko azanashyiriraho abahanzi n’amakorali uburyo bwo gukora amashusho ubu kuriwe amashimwe ngo ni yose kuko inzozi ze yahoranye zibaye impamo kuko yamaze gushyiraho ishami ritunganya amashushusho mw’iyi studio ye.

Sam ahamyako River Studio ye yamaze gutangira gukora n’amashusho(Audio -Visuel )

Mu kiganiro n’umubavu.com Sam yatangajeko mbere na mbere yumva yuzuye ishimwe ku Mana ko inzozi ze zibaye impamo kuko uyu mushinga wo gukora inzu itunganya umuziki mu buryo bwo kumva no kureba(Audio –Visuel ) yawuhoranye kuva yakwinjira mu bijyanye n’umuziki.

Muri aya magambo Sam yagize ati : Mu by’ukuri uyu mushinga uje ukenewe kuko nahoraga mbisabwa n’amakorali,abahanzi n’abandi bantu bose bagana River Studio ko nazashyiraho iri shami ryo gutunganya amashusho kuburyo ibihangano byajya bisohoka bitunganije mu buryo bwose ,ibi kandi nanjye ntangira umuziki byari munzozi zanjye none ubu zabaye impamo.

River Studio ya Producer Sam yamaze gutangira gukora indirimbo kuburyo bwo kumva no kureba(Production Audio Visuel)

Producer Sam ufite inzu itunganya umuziki yise ngo “River Studio” yatojwe ibijyanye no gutunganya ibihangano (Prpduction) na Aaron Nitunga ndetse bakoranye igihe kirekire muri studio Africano Sound , Sam akaba yarakoze indirimbo zitandukanye za Gospel ziganjemo iz’umuhanzi Alexis Dusabe cyane cyane kuri Alubumu ya kabiri ndetse n’iz’umuhanzi Dominic Nic nk’indirimbo ‘’Ashimwe’’ ndetse n’amakorali atandukanye nka Jeovah Jireh CEP ULK ,Gahogo ya ADEPR Gitarama,Abakorera Yesu n’ibindi bihangano byinshi byagiye bikundwa.

Yanditswe na Joel Sengurebe

Ushaka gukorana n’iyi nzu itunganya umuziki wahamagara kuri izi numero :0788652006.



Tanga igitekerezo kuri iyi nkuru



Igitekerezo