RDC:Ubuzima bw’abantu buri mu marembera kubera icyorezo cya Chorela

Imiryango y’abaganga batagira umupaka(Médecins sans frontiers, MSF) bo mu gihugu cya Espagne,baratangaza ko kugeza ubu icyorezo cya Chorela kimereye nabi abantu mu gace ka Minova muri kivu y’amajyepfo.

Aba baganga bakaba batangaza ko bakomeje kugira icyo bakora mu guhashya icyi cyorezo nko gutanga ubufasha mu birebana n’imiti,inking ndetse no gukangurira abantu kugerageza kwirinda mu rwego rwo guhangana n’icyi cyorezo.

Umuyobozi w’aba baganga Francisco Otero Y Villar yagize ati :”twamaze gushyiraho ikipe iri kwita kuri aka gace k’ubuzima ka Minova,mu kurwanya no guhashya icyi cyorezo cya Chorela,kugira ngo ubuzima bw’abantu burindwe”.

Yasoje avuga ko bari kugerageza gutanga ubufasha mu nzira zishoboka haba mu buvuzi ndetse byaba ngombwa abarembye cyane bakajyanwa aho bashobora kubona ubuvuzi bwihuse,turasaba kandi abantu kugerageza kwirinda,mu rwego rwo kurwanya icyi cyorezo.

Aba baganga kandi batangaza ko uretse muri aka gace ubu bari no gutanga ubufasha mu duce twa Shabunda na Kalehe ku birebana no gukingira abantu indwara y’iseru n’izindi ndwara ziterwa n’imirire mibi nk’uko bitangazwa na Radio Okapi dukesha iyi nkuru.

Twabibutsa kandi ko mu kwezi kwa 3 muri uyu mwaka mu gace ka Fizi,nabwo abagera kuri 12 bari bahitanwe n’iyi ndwara ya Chorela,kugeza ubu bikaba bigaragaza ko iyi ndwara ishobora gutwara ubuzima bwa benshi mu gihe hatangazwa ko imaze kwibasira abatari bake mu gihe kingana n’icyumweru kimwe gusa.

N Anaclet NTIRUSHWA//Umubavu.com



Tanga igitekerezo kuri iyi nkuru



Igitekerezo