Perezida Kabila yongeye kurusimbuka nta cyumweru gishize akoze indi mpanuka

Kuri iki Cyumweru tariki 18 Gashyantare 2018, ubwo yari mu ruzinduko rwe mu gihugu cya Zambia, Perezida wa Repubulika Iharanira Demukarasi ya Kongo yongeye gukora impanuka ikomeye yasize imodoka zari zimucungiye umutekano zangiritse bikomeye byanasize bamwe mu bamurinda bakomeretse gusa we akaba ntacyo yabaye kuko Imana yakinze akaboko.

Learn how to Thrive

Iyi mpanuka yabereye mu mugi wa Lusaka mu gihugu cya Zambia aho Perezida Kabila yari yagiye mu ruzinduko rw’akazi rw’ iminsi ibiri.

PNG - 857.7 kb
Uruzinduko rwa Perezida Kabila muri Zambia yarutangiye tariki 17 arusoza tariki 18. We na mugenzi Edgar Lungu


Iyi mpanuka yabaye mu gihe ku wa Kabiri w’icyumweru gishize tariki 13 Gashyantare 2018, imodoka zicunga umutekano wa Perezida Kabila zagonganye n’ ikamyo yari yikoreye sima. Iyi mpanuka yabereye mu mugi Kinshasa yahitanye abantu batanu.
Umuvugizi wa Perezida Kabila yatangaje ko iyi mpanuka yatewe n’ imvura ikabije nyamara ibinyamakuru byo muri iki gihugu byo byatangaje ko iyi mpanuka yatewe n’ umuvuduko mwinshi.
Nkuko ikinyamakuru Lusaka Times cyandikirwa muri Zambia kibitangaza, Kuri uyu wa 18 Gashyantare, imodoka yari itwawe n’umupolisi wo muri Zambia witwa Inspector Kayula yagonze Toyota Dyna itabashije kubererekera imodoka zari zicungiye umutekano Perezida Kabila.
Muri iyi mpanuka imodoka imwe yagongaga indi igonzwe nayo ikagonga indi. Muri rusange imodoka zangiritse zirenga enye. Zirimo Toyota Corolla yari iparitse ku ruhande ihigamiye imodoka zitwaye Perezida Kabila ngo zibanze zitambuke.

Umushoferi wari utwaye imodoka y’ ibiro bya Perezida wa Zimbabwe ifite purake GRZ 520 CN witwa Inspector Kayumba we ntabwo yakomeretse.

Umushoferi wahababariye cyane ni uwa Toyota Dyna witwa Andrew Phiri, uyu yavunitse amaguru n’ amaboko ndetse anahakura ibikomere byinshi byo mu gahanga.
Umuvugizi wa Polisi ya Zimbia Esther Katongo yemeje aya makuru avuga ko polisi y’ icyo gihugu yatangiye iperereza.

Uruzinduko rwa Perezida Kabila muri Zambia yarutangiye tariki 17 arusoza tariki 18. We na mugenzi Edgar Lungu baganiriye mu bibazo by’ umutekano ku mipaka y’ ibihugu byombi ndetse no ku kijyanye no koroshya itumanaho nk’ uko byatangaje na Minisitiri w’ Ubwikorezi n’ inzira z’ itumanaho José Makila Sumanda muri Repubulika iharanira Demuharasi ya Congo.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo