Pakistani : Inka yabyaye umutavu ufite imitwe ibiri

Mu gihugu cya Pakistani inka yatangaje abantu nyuma yo kubyara umutavu ufite imitwe ibiri nyamara iyi mitwe buri umwe umwe yayo ukagira ibice byose birimo amaso, amatwi ndetse n’amazuru.

Ibi bintu bidasanzwe byabereye mu gihugu cya Pakistani aho iyi nka yabyaye umutavu umwe ariko ufite imitwe ibiri nyamara igice cyawo cyo hasi kikaba kimwe naho iyo mitwe buri umwe umwe ukagira ibice byose.
Uyu mutavu watangaje abantu ku buryo budasanzwe aho bo bavugaga ko utazabaho igihe kinini ngo nyamara kuri ubu ukaba wujuje icyumweru cyose ukiri muzima nta n’ikibazo na kimwe ufite.
Nyiri iyi nka yabyaye uyu mutavu yagize ati “ ni igitangaza gikomeye kumva inka yange ibyara umutavu ufite imitwe ibiri nange nibwo nabibona kuva mbayeho”.
Abaganga babibonye bo bavuze ko ibi bishobora kubaho mu buryo bwa siyansi aho inka ishobora kubyara umutavu ufite imitwe ibiri mu buryo busanzwe ndetse ukanagira ubuzima.
Gusa uyu mutavu ngo ufite ikibazo cyo guhagarara kubera imitwe ibiri iri kuyiremerera bigatuma utabasha gushikama uhagaze ariko nkuko abaganga babivuze ngo nta kibazo cyo kubaho ufite kuko kuri ubu umeze neza.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo