Nyuma y’abanyeshuri 200 bigeze gushimutwa, abandi 90 bongeye gushimutwa na Boko-Haram

Hashize iminsi igera kuri itatu abana b’abakobwa barenga 90 bazimiye nyuma y’igitero cyagabwe n’umutwe w’iterabwoba wa Boko-Haram ku ishuri ryabo mu Mujyi wa Dapchi, muri Leta ya Yobe, mu Majyaruguru y’igihugu cya Nijeriya.

Kuri ubu ababyeyi b’aba bana bafite impungenge ko na bo bashobora kuba barashimuswe n’uyu mutwe. Biributsa abana b’abakobwa 276 bashimuswe na Boko Haram mu ishuri rya Chibok mu kwezi kwa kane mu mwaka wa 2014. Kugeza ubu, ijana muri bo ntibaraboneka.

Uyu munsi, ababyeyi benshi bazindukiye ku ishuri ryisumbuye rya Dapchi bashakisha amakuru y’abana babo. Polisi ya Nijeriya na Minisiteri y’Uburezi bo bahakana ko aba bana bashimuswe.

Nyamara abaturage baturiye ishuri bibwiye Ikigo Ntaramakuru, Reuters cyo mu Bwongereza ko abarwanyi ba Boko-Haram bateye ku wa mbere nijoro. Bamwe bari bafite imbunda ziremereye. Baje mu modoka z’amakamyo eshatu. Ni zo batwayemo abana, abana bagendaga barira batabaza.

PNG - 837 kb
Ababyeyoi babuze abana babo bafite ubwoba ko na bo baba barashimuswe n’uyu mutwe

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo
DUSABUMUREMYI Vedaste Kuya 22-02-2018

Ariko aba bana b’abari baba babaziza iki?