Nyabihu : Abaturage baratabaza kubera ruswa yiswe ’Inzoga y’abagabo’ bakwa n’ubuyobozi

Abaturage baturuka mu Midugudu itandukanye ndetse no mu Tugari dutandukanye two mu Murenge wa Rambura ho mu Karere ka Nyabihu bavuga ko iyo ukeneye umuyobozi w’Umudugudu mu kibozo runaka udafite amafaranya y’u Rwanda ibihumbi 2 cyangwa 3 udashobora kumubona.

Umwe mu baturage batuye Umudugudu wa Sukiro, Akagari ka Mutaho ho muri uyu murenge avuga ko kubona umuyobozi w’umududugu bisaba kuba ufite amafaranga ndetse ko iki kibazo atari we wenyine ugifite ndetse ko atari umwihariko w’Umudugudu wabo gusa.

Undi ati’’Iyo dufite amafaranga ibihumbi bibiri baratwitaba iyo tutayafite ntibatwitaba’’.Uyu yunganirwa na mugenzi we uvuga ko iyo bitabaje abayobozi b’Umudugudu babanza kubabwira ko niba nta mafaranga y’inzoga bafite batabakemurira ikibazo .

Ibi bishobora gushimangirwa n’amajwi yatambutse kuri Radio/TV1 dukesha iyi nkuru aho abayobozi b’umudugudu bari bamaze gukemurira umuturage ikibazo babanje kumwaka amafaranga ibihumbi 3 bise intego y’abagabo ariko kandi kugirango bamukorere inyandiko y’imyanzuro bakamwaka andi ibihumbi 2.

Umuyobozi wungirije w’Akarere ka Nyabihu ushinzwe ubukungu n’Iterambere ,Mugwiza Antoine avuga ko iyo bavuze ruswa ntawapfa kubihamya kuko ari ibanga hagati y’uwayakiriye ndetse n’uwayitanze gusa ashimangira ko abayobozi bafite inshingano zo guha serivise abaturage nta kiguzi bityo ko haramutse hagize umuyobozi ufatirwa muri ibi bikorwa yahanwa hakurikijwe amategeko ndetse akabera abandi urugero .

Gabriel Habineza/Umubavu.com



Tanga igitekerezo kuri iyi nkuru



Igitekerezo