Ntimuzagire ubwoba nimwumva urusaku rw’amasasu mu ngoro y’Inteko Ishinga Amategeko- Inteko ya Uganda ibwira abaturage

Ibi biraturuka ku butumwa Inteko Ishinga Amategeko ya Uganda yahaye abaturage ibasaba kutazagira ubwoba muri iyi minsi mu gihe baramuka bumvise urusaku rw’amasasu mu mazu yayo no mu nkengero zayo.

Iri tangazo ryashyizwe ahagaragara n’ushinzwe itumanaho muri iyi nteko, Chris Obore, wahishuye ko hazaba hakinirwa igice kimwe cya filimi irimo gukorwa.

Obore yavuze ko hari ibikorwa bidasanzwe bizabera mu nteko no mu nkengero zayo bizatuma abantu benshi birunda ku mihanda ihakikije, n’abakinnyi ba filimi bazaba bambaye impuzankano za gisirikare n’ibikoresho.

Yakomeje avuga ko hazumvikana urusaku rw’amasasu ubwo iyi filimi izaba iri gukorwa, asaba abaturage kutazakoresha imihanda yo hafi y’inteko kuko izaba yafunzwe kandi abasaba kutazagira impungenge kuko nta kibazo kizaba gihari.

Ibi bikorwa bizaba bikorwa na Isaiah 60 Production, inzu itunganya filimi yo muri Uganda. Biteganyijwe ko gufata amashusho bizaba ku matariki 9, 10 n’itariki 11 Werurwe.

Iyi nzu itunganya filimi ikaba ari iy’umukobwa wa Perezida Museveni, Natasha Karugire na mubyara we, Esteri Akandwanaho, umukobwa wa Salim Saleh.

Iyi nkuru yanditswe na Chimpreports iravuga ko filimi izaba ikorwa izaba iri mu cyongereza, yiswe 27 guns, izaba ivuga inkuru ya perezida Museveni afata ubutegetsi mu 1986.

PNG - 911.8 kb
Ingoro y’Inteko Inshinga Amategeko ya Uganda igiye gukinirwamo filimi

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo
Bea Kuya 9-03-2018

Iyi nkuru yari mu cyongereza none mwakoze "direct translation" ya COUSIN.
Abo bakobwa bakora film ba se nibo bavukana, ntabwo ari ababyara. Esteri ni murumuna wa Natasha cg mukavuga ko ari "mwene se wabo.."