Nouvelle-Zelande : Ibura rya Essence ryatumye hamwe na hamwe indege zitaguruka

Abantu ibihumbi n’ibihumbi bagumye ku kibuga cy’indege cya Auckland muri Nouvelle-Zelande kuri uyu wa mbere nyuma yuko umuyoboro utwara Essence umenetse ugatuma haba ibura ryayo kuri iki kibuga cy’indege.

Uyu muyoboro wangiritse niwo wonyine wajyanaga essence kuri iki kibuga cy’indege cya Auckland muri Nouvelle-Zelande. Byitezwe ko iki kibazo kizamara igihe kingana n’icyumweru cyose mu gihe hazaba hari ibikorwa byo kuhasana.
Ikibuga cy’indege cya Auckland cyakira abantu basaga miliyoni 18 buri mwaka bityo amashyirahamwe ashinzwe ashinzwe essence ni yo ayizana kuri iki kibuga kugira ngo izi ndege zibashe kuguruka .
Ishyirahamwe rya Air New Zealand rivuga ko abantu basaga 2000 aribo iri bura rya essence ryagizeho ingaruka kuri uyu wa mbere.
Kimwe na Air New Zealand , amashyirahamwe ya Qantas, Cathay Pacific na Emirates yavuze ko zimwe mu ngendo zahagaze bitewe n’iryo bura rya essence.
Ingendo zigera kuri 27 zo hagati mu gihugu no hanze yacyo zarahagaritswe mu mpera z’icyumweru gishize mu gihugu cya Nouvelle-Zelande.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo