Nkunda Trump kuko atajya arya iminwa mu kubwiza Abanyafurika ukuri-Museveni

Mu ijambo rye, Perezida wa Repubulika ya Uganda, Yoweri Kaguta Museveni yavuze ko akunda Perezida wa Leta Zunze Ubumwe za Amerika, Donald Trump kubera atajya arya iminwa ahubwo akabwiza Abanyafurika ukuri kumuri ku mutima.

Mu ntangiriro y’uku kwezi kwa Mbere, nibwo Perezida Trump yashinjwe kuba yaravuze ko ibihugu bya Afrika ari imyanda ubwo yari mu nama yo kwiga ku kibazo cy’abimukira.

Bwana Trump yahakanye ibi yashinjwaga avuga ko atigeze asohora aya magambo mu kanwa ke mu gihe Abasenateri bari muri iyo nama bavuze ko yabivuze.
Umuryango w’Ubumwe bwa Afrika wasabye Bwana Trump gusaba imbabazi kuri aya magambo agaragara ko ajyanye n’ivangura rishingiye ku ruhu.

Museveni yagize ati “kuva Amerika yabaho nibwo iyobowe na Perezida w’igihugu mwiza".

Ibi Bwana Museveni yabivuze ubwo hatangizwaga Inteko y’Abadepite b’Umuryango wa Afrika y’Uburasirazuba (East African Legislative Assembly, EALA) i Kampala mu gihugu cy’u Buganda.

Museveni yakomeje agira ati "Nkunda Trump kuberako abwiza ukuri abanyafrika. Abanyafrika bakwiye kwishakaho ibisubizo by’ibibazo byabo, abanyafrika nta ngufu bafite."

PNG - 648.8 kb
Museveni ati "Nkunda Trump kuko abwiza Abanyafurika ukuri"


Nyamara aya magambo ya Bwana Museveni atandukanye n’ay’abategetsi benshi ba Afrika bo bamaganiye kure iyi mvugo ya Bwana Trump yakoresheje.

Ku munsi wo ku Cyumweru, Perezida w’igihugu cy’u Bufaransa, Emmanuel Macron yabwiye BBC ko nawe afite akababaro nk’ak’Abanyafurika kubera ayo magambo ya Trump.

Perezida Donald Trump yavuze ko Afurika n’ibindi bihugu nka Haiti ari nk’imisarani [Shitole ubwo yabazwaga n’abagize inteko ishinga amategeko muri Leta Zunze Ubumwe za Amerika impamvu akumira abimukira baturuka muri Haiti ndetse no mu bihugu bimwe na bimwe bya Afurika.

Muri 2017, nibwo Perezida Trump aherutse gushinjwa gukoresha imvugo yakiriwe nabi n’abatari bake aho yavuze ko igihugu cya Afghanistan ari ijuru ry’abiyahuzi akanavuga ko abaturage ba Haiti ari abarwayi ba SIDA ndetse icyo gihe akanibasira bimwe mu bihugu bya Afurika birimo Nigeria nkuko ikinyamakuru The New York Times cyabigarutseho icyo gihe.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo
Niyomugaba Jean Bosco Kuya 25-01-2018

Nibyo dukwiye kwishakamo ibisubizo,ark Trump yibuke ko nta umugabo umwe, tudahari nawe ntiyatera imbere, iwacu muri Africa niho bakura input bakoresha munganfa zabo