Nissan yashyize hanze imodoka itwarwa n’amashanyarazi

Sosiyeti ikora imodoka Nissan yo mu gihugu cy’u Buyapani yakoze imodoka nshyashya yitwa Leaf itwarwa n’amashanyarazi kandi yihuta cyane ngo ishobore guhangana ku isoko rigezweho ry’imodoka zitwarwa n’amashanyarazi.

Iyo modoka nshyashya ya Leaf ishobora kugenda birenga 50% ku isanzwe mu gihe bateri yayo yujujwe umuriro rimwe gusa nkuko bitangazwa n’iyi sosiyeti.
Gusa ngo iyi modoka ntiragera ku kigero cy’izindi modoka zikoreshwa n’amashanyarazi zikorwa n’amasosiyeti nka Tesla na General Motors.

Uruganda rwa Nissan rwavuze ko ruzasohora ubwoko bukomeye cyane bw’iyi modoka nyuma y’umwaka umwe gusa
Imodoka zirenga 283000 zo mu bwoko bwa Leaf zaragurishijwe n’uru ruganda rwo mu Buyapani kuva igihe rwatangiriye kuzigurisha mu 2010, bigatuma ziba iza mbere nyinshi zitwarwa n’amashanyarazi zisohotse ku isi.

Imodoka nshyashya yo mu bwoko bwa Leaf izagurishwa mu Buyapani kuva mu kwezi kwa cumi naho ahandi zikazatangira kugurishwayo mu ntangiriro z’umwaka utaha wa 2018. Iyi modoka ishobora kugenda urugendo rurerure biturutse kuri bateri ifite y’umwihariko ya kilowatt 40.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo