Nigeria : Yibye abaturage ahungira mu rusengero

Emmanuel Ndidi w’imyaka 23 ukomoka mu gihugu cya Nigeria mu cyaro cya Agbor mu mugi wa Delta, yafashwe na polisi aho yari yahungiye mu rusengero nyuma yo kujujubya abaturage abiba imitungo yabo.

Emmanuel Ndidi ushinjwa kuba ari we wari uyoboye itsinda ry’ibisambo byajujubije abaturage mu gace ka Agbor mu mugi wa Delta, yafatiwe mu rusengero yicurangira sentitizeri nkudafite ikibazo. Ibi byatunguye abavugabutumwa bo muri uru rusengero kuko batari bamufiteho amakuru yuko yaba ari umujura cyane ko uyu musore yari anasanzwe asengana nabo.

Nkuko ikinyamakuru TUKO.co.ke kibivuga, ngo uyu musore yafashwe yafatiwe kuri uru rusengero mu mpera z’iki cyumweru gishize kandi ngo akaba ari nawe wari uyoboye itsinda ry’ibisambo bafatanyije kwiba no kwambura abaturage bo mu mugi wa Delta muri Nigeria.

Aba bajura babjujubije abaturage babiba imitungo yabo irimo na za telefoni zigendanwa nkuko polisi yabitangaje. Aba baturage batangaza ko aho kubura ubuzima bwabo bahitamo kubibarekera ngo cyane ko burya umujura akubuzeho icyo yagushakagaho ashobora kukwambura ubuzima.

Emmanuel Ndidi bivugwa ko yafashe iki cyemezo cy’ubujura nyuma yo kubura amafaranga y’ishuri nyamara ntako atagize ngo arebe ko yaboneka kuko yanagendaga akora ibiraka aho abonye hose no mu bihugu bituranyi na Nigeria. Yahisemo kwifatanya n’abasore bagenzi be babiri basanzwe ari abajura bakomeza gufatanya ubujura.

Gusa Emmanuel Ndidi yemera icyaha akanagisabira imbabazi avuga ko agiriwe imbabazi atazongera na rimwe uyu mwuga w’ubujura avuga ko n’ubundi atawugize umwuga kuko yawutewe no kubura amafaranga y’ishuri.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo