Nigeria : Umugabo yivuganywe n’intare yarindaga

Mustapha Adam, ni umugabo wo mu gihugu cya Nigeria wahuye n’uruva gusenya ubwo intare yari ashinzwe kurinda yatorokaga mu kazu yari ifungiyemo igasohoka bikarangira inamwivuganye.

Nyuma y’uburangazi uyu mugabo yagize ku munsi w’ejo, yashidutse iyi ntare yasohotse mu kazu yarimo maze ihita imuruma ku ijosi niko kumujyana kwa muganga igitaraganya ariko biranga biba iby’ubusa birangira ahasize ubuzima.

Nkuko ikinyamakuru Graphic dukesha iyi nkuru kibitangaza ngo si ubwa mbere intare yishe umuntu muri Nigeria,kuko no mu kwezi kwa cyenda umwaka ushize, intare nabwo yishe umugabo warimo kuyigaburira mu mugi wa Ibadan.

Mu mwaka wa 2015, intare yatorotse aho yari ifungiwe maze yinjira mu bantu bo mu gace kamwe muri Nigeria gusa yaje kwicwa itaragira umuntu ihitana.

PNG - 552.5 ko
Mustapha Adam wapfiriye mu bitaro yishwe n’iyi ntare yarindaga, ashinjwa ko yari yagize uburangazi kugeza ubwo iyi ntare isohotse aho yabaga

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo