Nigeria : Igisirikari cyarokoye Abanyeshuli bari bashimuswe bamwe basangwa bishwe

Ubutegetsi bwa Nigeria buvuga ko bamwe mu bakobwa b’abanyeshuri baburiwe irengero nyuma y’igitero cyagabwe n’abarwanyi ba Boko-Haram ku shuri ryabo mu Mujyi wa Dapchi, muri Leta ya Yobe, mu Majyaruguru y’igihugu barokowe n’igisirikare.

Abagera ku 100 nibo bari babuze, nyuma y’aho abarimu n’abanyeshuri bahungiye mu ishyamba hirya y’umujyi wa Dapchi ubwo icyo gitero cyagabwaga.

Ababyeyi babwiye BBC ko babonye abo bana babo burizwa amakamyo.

Icyo gitero cyagabwe hashize imyaka ine Boko-Haram inyereje abakobwa bagera kuri 270, ibakuye ku ishuri ry’ahitwa Chibok.

Mu itangazo, Leta ya Yobe yavuze ko itaramenya neza imibare y’abakobwa barokowe bavanwa mu maboko y’uyu mutwe w’iterabwoba aho kuri ubu bari kumwe n’abasirikari.

Ibiro ntaramakuru by’Abongereza, Reuters bivuga ko ababyeyi n’umutegetsi wa Leta, bavuze ko abakobwa bagera kuri 76 barokowe ariko ngo kandi 13 bakaba bo bataraboneka.

Abakobwa babiri ngo batowe bapfuye nkuko Reuters ibivuga ngo gusa uburyo bapfuyemo ntiburamenyekana neza.

Abategetsi ba Leta ya Yobe, bari bavuze ubwa mbere ko nta makuru bafite ajyanye nuko haba hari abakobwa b’abanyeshuri banyerejwe.
Umugi wa Dapchi uri ku birometero 275, mu Majyaruguru ashyira Uburengerazuba bwa Chibok.

Abarwanyi ba Kiyisilamu binjiye mu mugi barasa amasasu menshi byatumye bamwe mu banyeshuri n’abarimu bahunga.

Umuyobozi wa Polisi ya Yobe yavuze ko abanyeshuri 815 muri 926 bamaze gusubira ku ishulri.

Hari hashize iminsi igera kuri itatu abana b’abakobwa barenga 90 bazimiye nyuma y’igitero cyagabwe n’umutwe w’iterabwoba wa Boko-Haram ku ishuri ryabo mu Mujyi wa Dapchi, muri Leta ya Yobe, mu Majyaruguru y’igihugu cya Nijeriya kimwe n’abandi abana b’abakobwa 276 bashimuswe na Boko Haram mu ishuri rya Chibok mu kwezi kwa kane mu mwaka wa 2014. Kugeza ubu, ijana muri bo ntibaraboneka.

PNG - 937.2 ko
Abanyeshuri ntibumvikana na Leta ya Nigeria ku mibare y’abana babuze

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo