Nigeria: Hagiye kwifashishwa indege mu gushaka abakobwa bashimuswe

Igihugu cya Nigeria kivuga ko kigiye kongera umubare w’indege ziri mu gikorwa cyo gushaka abakobwa b’abanyeshuri banyerejwe nyuma y’igitero abarwanyi ba Kisilamu ba Boko-Haram bagabye ku shuri ryabo mu Mujyi wa Dapchi, muri Leta ya Yobe, mu Majyaruguru y’igihugu mu cyumweru gishize.

Bivugwa ko abakobwa barenga ijana aribo bashobora kuba baranyerejwe n’abarwanyi ba Boko Haram mu Ntara ya Yobe iri mu Majyaruguru y’igihugu ashyira uburasirazuba.

Mu gitondo cy’uyu munsi nibwo abashinzwe umutekano bavuze ko Abapolisi n’abayobozi bakuru bashinzwe umutekano boherejwe ku mashure kugira ngo bakumire ibindi bitero by’abarwanyi ba Boko Haram bishobora kugabwa.

Umunyamakuru wa BBC ukorera muri Nigeria yavuze ko Leta byayitwaye icyumweru cyose kugira ngo yegeranye uburyo bukwiye bwo gushaka abo bana b’abakobwa banyerejwe.

PNG - 593.9 kb
Byasabye icyumweru cyose kugira ngo Nigeria yegeranye ubushobozi bwo gushakisha aba bana banyerejwe


BBC ivuga ko kandi hari n’amakuru avuga ko abasirikare bakuwe ku birindiro igihe gito mbere y’uko icyo gitero cyagabwaga ariko Leta ya Nigeria yo ikabihakana.

PNG - 934 kb
Leta ya Nigeria ntiyumvikana n’aba bana ku mubare w’ababuriwe irengero

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo