Ni  iki kihishe inyuma  y’umugambi wa Israel Mbonyi wo gusohora indirimbo imwe imwe

Umuhanzi wamenyekanye mu ndirimbo zihimbaza Imana Israel Mbonyicyambu amaze iminsi asohora indirimbo imwe imwe abantu ntibasobanukirwe igikurikira, nyamara hari impamvu ikomeye abantu bakwiye kumenya kuko ibi abikoze nyuma yo kumara iminsi adasohora indirimbo nyuma yaho asohoreye album yise number one.

Amakuru yizewe agera ku umubvu.com aravuga ko impamvu nyamukuru y’umugambi wa Israel Mbonyi wo gusohora indirimbo imwe imwe ari igitaramo afite mu ntangiriro y’ukwacumi n’abiri aho azaba asohora umuzingo we wa kabiri azita “Intashyo” ntagihindutse. Ibi kandi akaba ari ukugirango n’abantu batangire kuryoherwa n’indirimbo zizaba ziri kuri uyu musingo.

Nanone kandi aya makuru avuga ko abantu bashobora kuzumva izindi ndirimbo 2 gusa zisigaye harimo n’iyo azakorana na Emme n’iyo azitirira iyi album Intashyo ari nayo twakitega mu minsi iza ; iyi ndirimbo amakuru aremeza ko izaza ifite uburyohe budasanzwe ugereranyije nizizaba ziri kuri iyi album.

Mu ndirimbo amaze gusohora harimo Sinzibagirwa, amarembo y’ijuru,Hari ubuzima _
Kanda hano wumve iyi ndirimbo aheruka gusohora. Izi zose zatunguye abantu kuko amaze gusohora album yambere abantu batangiye kuvuga ko yaba agiye kuzima ariko ubu bari gutungurwa ndetse bazanakomeza gutungurwa niba bakomeje kwinangira imitima.

Uyu muhanzi akaba ari gutegura igitaramo kizaba mu ntangiriro y’ukwacumi nabiri ku itariki ya 10 niba ntagihindutse, Israel Mbonyi amaze gukora indirimbo 11zimaze kugera hanze umunani zikaba ziri kuri album ya mbere yise number one iya kabiri akaba amaze gusohora indirimbo 3 ziri kuri album ya kabiri yitwa INTASHYO nayo ikazaba iriho indirimbo 8.
Umubavu.com



Tanga igitekerezo kuri iyi nkuru



Igitekerezo