Ngabirano yashimuswe  n’abantu bambaye imyenda y’Igipolisi,umuryango we uratabaza

Ubwoba ni bwinshi mu muryango wa Clovis Ngabirano, umusore w’imyaka 27 waburiwe irengero kuva ku mugoroba wo ku Cyumweru tariki 5 Ugushyingo 2017. Umuryango we uvuga ko washakishije muri za kasho zose ntumubone.

Ngabirano wari usanzwe ari umunyeshuri muri Kaminuza ko akaba yarajyanywe n’abantu babiri bambaye imyenda y’Igipolisi cy’u Burundi ubwo yari mu Kabari kazwi nka ’’Le Social’’ kari mu Kamenye mu Burundi.Umuryango we ukaba uvuga ko kugeza ubu batazi aho aherereye.

Umuvugizi w’igipolisi cy’u Burundi,Pierre Nkurikiye ashimangira ko igipolisi ataricyo cyafashe Ngabirano ndetse ko cyatangiye iperereza mu gushakisha aho yaba aherereye.

PNG - 719.1 ko
Ngabirano washimuswe n’abantu bambaye imyenda y’igipolisi cy’u Burundi

Pierre Nkurukiye avuga ko iperereza ririgukorwa rigamije kureba niba Ngabirano ataba yarashimuswe n’abandi bantu bityo bikaba byakwitirirwa igipolisi nk’uko byagarutsweho n’ibinyamakuru bitandukanye byandikirwa mu Burundi.

Umubavu.com



Tanga igitekerezo kuri iyi nkuru



Igitekerezo