Muyange:Abantu 2 bo mu muryango umwe bishwe n’abantu bitwaje intwaro gakondo

Abantu babiri bo mu muryango umwe barishwe undi umwe asigara ari intere nyuma yo kugwa mu gaco k’abantu bitwaje intwaro gakondo harimo imihoro n’ibyuma .

Bikaba byarabereye ku musozi wa Muyange,Kamini Butezi ,Intara ya Ruyigi ho mu gihugu cy’u Burundi aho bikekwa ko byaba bishingiye ku masambu.

RPA dukesha iyi nkuru ivuga ko ku wa Kane w’Icyumweru gishize ahagana saa yine za nijoro aribwo Samuel Ntirampaba arikumwe n’umuhungu we Célestin Ikizakubuntu n’umukazana we Claudette Irankunda bari kuri moto batashye iwabo ngo baje gutangirwa n’aba bagizi ba nabi.

Ngo nyuma yo gutemuagurwa Claudette yahise yitaba Imana ,Sebukwe Samuel we ajjanwa mu bitaro bya Mwaro ari intere mu gihe umugabo we Celestin aba bagizi ba nabi babanje kumushimuta nyuma ku wa Gatanu umurambo we uboneka waciwemo ibice bitatu.

Abaturage bo muri aka gace bakaba bemeza ko ibi bishingiye ku masambu dore ko Samuel Ntirampeba Urukiko rwisumbuye rwa Mwaro rwari rwategetse ko ahabwa
isambu ingana na Hegitari 900 isanzwe icumbikiye abantu 800.

Umuyobozi wa Komini ya Butezi, Georgine Mbonimpa yemeje aya makuru asaba abaturage gushyira hamwe ndetse anashimangira ko hari gukorwa iperereza ku buryo aba bagizi ba nabi bazagezwa imbere y’Ubutabera.



Tanga igitekerezo kuri iyi nkuru



Igitekerezo