Museveni yemeje itegeko rimwemerera kuzongera kwiyamamaza

Yoweri Kaguta Museveni, Perezida wa Uganda yashize umukono ku itegeko rikuraho imyaka yagenwaga n’Itegeko Nshinga ry’igihugu ku muntu uwo ari we wese wiyamamarizaga kuba umukuru w’igihugu.

Learn how to Thrive

Ibi bisobanura ko Perezida Yoweri Kaguta Museveni kuri ubu ufite imyaka 73 kandi umaze kuyobora igihugu cya Uganda imyaka irenga 30, yemerewe kuzongera kwiyamamariza kuyobora igihugu mu mwaka wa 2021 ubwo azaba arangije Manda ye. Itegeko risanzwe ryasabaga ko uwifuza kwiyamamariza kuyobora igihugu ataba arengeje imyaka 75 y’amavuko.

Mu ijambo rye risoza umwaka wa 2017, Perezida Museveni yashimiye byimazeyo Abadepite 300 by’umwihariko babarizwa mu ishyaka riri ku butegetsi "National Resistance Movement" (NRM) abagereranya nk’incungu z’igihugu, mu kuba batumye iryo tegeko ryemezwa.

Abatavuga rumwe n’ubutegetsi bo bavuga ko abo badepite bakunda iby’inda bityo ko batazi ingaruka y’ingingo bemeje.

Iryo tegeko umukuru w’igihugu yashyizeho umukono, rigiye gutangazwa ku mugaragaro ribone gutangira gushyirwa mu bikorwa.

Nubwo iri tegeko ryemejwe, hari amashyaka atandukanye atavuga rumwe na Leta yiteguye gusaba Urukiko rukuru gukurikiza Itegeko Nshinga risannzwe hagamijwe guhagarika ishyirwa mu bikorwa iby’iryo tegeko ryemejwe.

PNG - 556.5 kb
Iri tegeko rishobora guhesha Museveni kuyobora Uganda kugeza muri 2031

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo