Mugabe agiye kujya ahembwa akayabo yiyicariye

Nyuma yuko umukambwe Robert Mugabe yeguye ku nshingano zo kuyobora igihugu cya Zimbabwe bikanavugwa ko azahabwa umwanya ukomeye muri politiki y’iki gihugu, kuri ubu agiye kujya ahembwa amafaranga asaga miliyoni mu manyarwanda yiyicariye icyakora agishwa inama gusa.

Robert Mugabe w’imyaka 93 y’amavuko wahoze ari Perezida wa Repubulika ya Zimbabwe kuva yabona ubwigenge, yeguye ku butegetsi ku itariki ya 21 Ugushyingo 2017 nyuma y’imyaka 37 yose ari ku butegetsi.

Uru rugamba rwo kweguza uyu mukambwe rwatangijwe n’igisirikari cya Zimbabwe nyuma yuko yirukanye ku mirimo ye Emmerson Mnangagwa wari Minisitiri w’Intebe agamije gushakira inzira umugore we Grace Mugabe ngo azabe ari we umusimbura ku butegetsi umugambi utaramuhiriye.

Nkuko ikinyamakuru Tuko kibivuga, Robert Mugabe azajya ahembwa asaga miliyoni imwe irenga (mu manyarawanda) ku gihe kingana n’ukwezi kugira ngo abashe gufasha umuryango we kubaho nyuma yo gusohoka muri perezidansi y’igihugu.

PNG - 818.9 ko
Robert Mugabe uheruka kwegura ku nshingano ze


Nkuko kandi The Guardian babyanditse, nyuma yuko Mugabe yeguye ku nshingano zo kuyobora igihugu, yahawe akayabo ka miliyoni zirenga 40 zo kumushimira nk’uwabaye Perezida by’umwihariko mu gihe kirekire kingana n’imyaka 37 yose kuva igihugu cye cyabona ubwigenge ku itariki ya 18 Mata 1980.

Umwe mu bayobozi b’ishyaka riri ku butegetsi ZANU-PF aganira na The Guardian yagize ati “nyuma yo kubiganiraho, Mugabe yagenewe ishimwe ringana na miliyoni zirenga 40 ndetse anasezeranywa ko imitungo ye ndetse n’umuryango we bazarindirwa umutekano neza.

PNG - 934.3 ko
Emmerson Mnangagwa ubu niwe Perezida wa Repubulika ya Zimbabwe


Nyuma yuko Mugabe yeguye, Emmerson Mnangagwa wari ushyigikiwe n’abaturage benshi ndetse n’igisirikari niwe wahise asimbura uyu mukambwe kuyobora igihugu inshingano yarahiriye ku wa gtanu w’icyumweru gishize tariki ya 24 Ugushyingo 2017.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
habineza patric Kuya 27-11-2017

Andika Igitekerezo Hanno byaribikwiye yarageze muza bukuru