Mugabe agiye gukoresha akayabo mu kwitabira inama ya UN

Mu nama y’Umuryango w’Abibumbye (UN General Assembly) iteganyijwe kuzabera I New York kuva 19 kugeza tariki Nzeri 2017 , Perezida Mugabe yatangaje ko azajyana n’abantu 70 bityo buri muntu akazishyurirwa 15000 byose by’amadorari y’Amerika.Gusa muri aba bantu bazajyana hari abatabarizwa muri Guverinoma.

Robert Mugabe, Perezida w’igihugu cya Zimbabwe yatangaje ko mu nama y’umuryango w’abibumbye (UN General Assembly) izabera muri Leta Zunze Ubumwe za Amerika muri uku kwezi guhera ku itariki ya 19 kugera 23 2017, azajyana n’abantu bamuherekeje bagera kuri 70 harimo n’abo mu muryango we aho umuntu umwe azajya yishyurirwa amadorari ibihumbi 15000 harimo byose kugira ngo urugendo rwe rugende neza nkuko tubikesha IOL News, ubwo Ambasade y’Amerika iri mu mujyi wa Harare yabibazaga bitewe nuko harimo n’abatabarizwa muri guverinoma.

Bamwe mubagize umuryango wa Mugabe bazamuherekeza I New York mu nama y’ubumwe bw’ibihugu harimo umukobwa we Bona, umuhungu we mukuru Simbanashe, umuhungu we Bellarmine Chatunga na Russell Goreraza ndetse n’abandi bo mu muryango we.

Biteganyijwe ko iyi nama izabera muri Leta Zunze Ubumwe za Amerika mu mugi wa New York kuva tariki ya 19-23 Nzeli 2017. Gusa ngo kuri Mugabe we n’abazamuherekeza bizamutwara iminsi icumi yose kugira ngo ashyike muri iyi nama ari nacyo cyatumye buri umwe umwe agenerwa amadorari 1500 ku munsi bikazahwana n’amadorari 15000 mu minsi icumi kuri buri muntu nkuko byatangajwe n’umwe mu badiplomate bo muri Zimbabwe.

Nkuko bitangazwa na guverinoma, ngo igihugu cyaherukaga gukoresha akayabo kangana na miliyoni 36 z’amadorari ya Amerika mu ngendo zitandukukanye mu mezi 10 ya mbere y’umwaka wa 2016, ibi bikaba bishyira igihugu nu bukene aho usanga nyamara nta mafaranga ahari yo gukomeza kongera ibikorwa remezo birimo amavuriro, imihanda ndetswe n’ibindi.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo