Mudende:Impanuka  y’ikamyo yahitanye 7 abandi 12 barakomereka

Abantu barindwi nibo bitabye Imana naho abandi 12 barakomereka mu mpanuka yabereye mu gace ka Mudende ,Komini Buyengero mu ntara ya Rumonge mu gihugu cy’u Burundi ku mugoroba wo kuri uyu wa Mbere tariki ya 2 Ukwakira 2017.

Amakuru atangazwa n’ibinyamakuru bitandukanye byo mu Burundi avuga ko ikamyo yo mu bwoko bwa Isuzu yavaga ahitwa i Kabumburi ijya ku murwa mukuru w’intara ya Rumonge yakoze impanuka igeze mu ikorosi ku birometero bibiri uvuye ahitwa i Kabumburi.

Ayo makuru avuga ko abantu batandatu bahise bitaba Imana undi nawe ashiramo umwuka ajyanywe kwa muganga.

Umuvugizi w’Igipolisi cy’u Burundi , Pierre NKURIKIYE yemeje aya makuru ndetse anashimangira ko umushoferi wari utwaye iyi modoka nawe ari mu bitabye Imana.



Tanga igitekerezo kuri iyi nkuru



Igitekerezo