Mozambique: Umunyarwanda yaminjweho urufaya rw’amasasu n’abantu bataramenyekana

Umunyarwanda, Hitimana Vital uba mu mujyi wa Villa Olempique muri Muzambique, yarashwe amasasu menshi n’abantu bataramenyekana, ubu akaba arimo kuvurwa.

Learn how to Thrive

Hitimana yarashwe ahagana saa yine n’iminota icumi (22:10) z’ijoro ryo ku wa Gatanu tariki ya 16 Werurwe 2018, ubwo yari ageze mu mujyi wa Villa Olempique, avuye muri Afurika y’Epfo. Yarashwe mu nda n’ibindi bice by’umubiri, Imana ikinga ukuboko ntiyapfa.
Ukuriye Diaspora y’Abanyarwanda muri Mozambique, Bwana Louis Baziga atangaza ko Hitimana, umugore we n’inshuti yabo bari bavuye muri Afurika y’Epfo. Ubwo bari bamaze gucyura inshuti yabo, yarashwe bageze mu rugo n’umugore we.

Aganira na Igihe, Louis Baziga yaguze ati “Bageze aho batuye, umugore ava mu modoka atwaye ibintu nk’abantu bari bavuye guhaha muri Afurika y’Epfo. Umugabo yasigaye mu modoka gato. Hanyuma uko umugore yagendaga, yageze imbere ahura n’umuntu wikinze ku nguni y’inzu aranamusuhuza arakomeza. Wa muntu yahise asanga umugabo aho yari mu modoka ahita amurasa. Isasu rimwe ryapfumuye ikirahure ubundi akomeza amurasa”.

Louis Baziga yakomeje avuga ko uwarashe Hitimana mu bigaragara atari agamije kumwambura amafaranga, ahubwo ko yari agamije kumwica, by’umwihariko ko uyu mujyi ari wo abanyarwanda baba muri iki gihugu bizeragamo umutekano.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo