Minisitiri w’ Intebe yahagaritse  Dr.Daphrose Gahakwa n’abandi abayobozi bane ba RAB

Minisitiri w’ intebe w’ u Rwanda Dr Edouard Ngirente yahagaritse ku mirimo abayobozi bane mu Ikigo cy’Igihugu Gishinzwe Ubuhinzi n’ Ubworozi (RAB).

Amakuru yizewe agera ku Mubavu ni uko mu bayobozi bane bahagaritswe harimo na Dr.Daphrose Gahakwa wari umuyobozi wungirije w’ iki kigo. Dr. Gahakwa aherutse kuvugwaho gusuzugura abadepite ubwo RAB yagombaga kwitaba abadepite bagize komisiyo ishinzwe gukurikirana imikoreshereze y’ umutungo wa Leta (PAC) , Umuyobozi mukuru wa RAB, Marc Cyubahiro akitaba wenyine kandi na Dr Daphrose Gahakwa yari yahawe ubutumire na PAC.

Uretse Daphrose Gahakwa abandi bayobozi aya makuru avuga ko birukanywe ni Bimenya Theogene wari Umuyobozi ushinzwe imari n’ ubutegetsi (DAF)’ Umuyobozi wari ushinzwe ishami ryo kuvomerera imyaka(Irrigation) ndetse na Nyirasangwa Violette wari umuyobozi ushinzwe ihuzabikorwa (Corporate Services).

Gahakwa ahagaritswe mu gihe aherutse kumvikana avuga ko atasuzuguye abadepite n’ubwo Umuyobozi wa RAB we yari yavuze ko yaje kwitaba PAC azi ko bahahurira.

Yagize ati “Ntabwo nanze kwitaba nagize ikibazo njya kwa muganga ariko hari umunyamakuru umwe wampamagaye ambwira ariko byarantunguye cyane kuvuga ko nanze kwitaba rwose no guhagararira ikigo nkunda kujyayo nkagihagararira.”



Tanga igitekerezo kuri iyi nkuru



Igitekerezo
habineza jerome Kuya 22-11-2017

niba yarasuzuguye ubutumire se ubwo agomba no kugaragaza impamvu ifatika nabe aruhuka areke abashoboye bakore
dufite abahanga ubu bazi icyo gukora niba umusaza yararebye kure agasanga service arizo zihutisha iterambere utayitanga neza niyicireho