Minisitiri Tumukunde yasabiye Abapolisi   ba Uganda imbabazi

Nyuma y’uko ku wa Kane w’Icyumweru gishize Igipolisi cya Uganda gitaye muri yombi Umuyobozi w’Umujyi wa Kampala, Erias Lukwago kimusanze iwe mu buryo bivugwa ko budakurikije amategeko ,Minisitiri w’umutakano muri iki gihugu , Gen Henry Tumukunde yasabiye imbabazi abapolisi ba Uganda cyane cyane abato avuga ko nta yandi mahitamo bafite uretse kubahiriza amabwiriza baba bahawe n’ababakuriye.

Gen Tumukunde mu kiganiro yagiranye na Televiziyo ya NBS kuri uyu wa Kabiri tariki 26 Nzeri 2017 ,yavuze ko itabwa muri yombi ry’umuntu bigendera ahanini ku myitozo umupolisi uje kumufata aba yarahawe ndetse n’amabwiriza ya nyuma aba yahawe bityo ko abantu bagomba kujya babagirira imbabazi.

Ku wa Kane w’Icyumweru gishize nibwo Umuyozi w’Umujyi wa Kampala yatawe muri yombi ashinjwa ko afatanyije n’abigaragambya basaba ko Museveni atakongererwa imyaka yo kuyobora Uganda nk’uko bitangazwa na Chimpreports.

Ejo ku wa Mbere uyu muyobozi akaba yaratanze ikirego muri Komisiyo ishinzwe uburenganzira bwa muntu avuga ko yafashwe azira ubusa nk’uko byagiye bikagurukwaho n’abantu batandukanye.

Muri Uganda abantu banshi bakaba bakomeje gutabwa muri yombi bazira kwigaragambya bamagana ihindurwa ry’Ingingo yo mu Itegeko Nshinga yaha Perezoda Museveni amahirwe yo kongera kwiyamamariza kuyobora Uganda.

Bikaba biteganyijwe ko kuri uyu wa Kabiri atibwo Inteko Ishinga Amategeko y’iki gihugu Itora cyangwa igahakana Umushinga w’Itegeko ryemeza Ihundurwa ry’Itegeko Nshinga.

Gabriel Habineza/Umubavu.com



Tanga igitekerezo kuri iyi nkuru



Igitekerezo