Menya umukinnyi wa Filimi z’urukozasoni wakanyujijeho na Trump byatumye amwishyura akayabo

Donald Trump, Perezida wa Leta Zunze Ubumwe za Amerika abifashijwemo n’umunyamategeko we bwite yishyuye umugore ukina film z’ubusambanyi (film pornographique, z’ubusambanyi) akayabo ka $130,000 kugira ngo adashyira hanze amabanga afitanye nawe ajyanye nuko bakanyujijeho ubwo yari akimara gushakana na Melania.

Amakuru yatangajwe na The Wall Street Journal kuvwa gatanu avuga ko mu mwaka wa 2006 Trump yagiranye umubano w’ibanga n’umugore witwa Stephanie Clifford ariko ukina ziriya film ku mazina ya Stormy Daniels, icyo gihe ngo hari hashize umwaka umwe gusa Trump ashakanye na Melania.

Wall Street Journal ivuga ko mu 2016 Stephanie Clifford yatangiye kuvugana n’ikinyamakuru ABC News ku bihe yagiranye na Trump ariko mbere y’uko amatora aba atarabivuga neza yahise yumvikana n’uruhande rwa Trump kujya bamuha $130,000 ku kwezi kugira ngo ayo madorari akomeze atsikamire iryo banga ntirimusohoke mu nda.

Umunyamategeko w’imyaka myinshi ishize wa Trump witwa Michael Cohen ngo niwe wakoze ‘deal’ yumvikana n’umunyamategeko nanone w’uriya mukinnyi wa film z’abakuru.

Uyu mugore ariko yari yarabwiye bimwe mu bindi binyamakuru nka New York Times ko hari ibihe by’ibanga yagiranye na Trump, gusa ntiyari yakabahaye amakuru arambuye.

PNG - 831.7 ko
Stephanie Clifford wakanyujijeho na Trump nyuma yuko ashatse Melanie


Mu minsi yashize ariko uyu mugore yahakanye yivuye inyuma ko hari imibonano yaba yaragiranye na Donald Trump, ndetse abishyira mu nyandiko. Ibinyamakuru bya US bikemeza ko yabihakanye kubera ako kayabo ibanga rimwinjiriza.

Ejo kuwa gatanu kandi undi mukinnyi wa film porno witwa Alana Evans wahoze ari inshuti ya hafi cyane ya mugenzi we Daniels ndetse ngo baturanye, nawe yabwiye ikinyamakuru Daily Beast ko mugenzi we Daniels yamwibwiriye inkuru ye na Trump mu cyumba cya Hotel.

Alana avuga ko mugenzi we yamubwiye ko mu kwa karindwi 2006 yaryamanye na Donald Trump mu cyumba cya Hotel ya Trump, umugore we Melania ngo yari amaze amezi macye abyaye umwana wabo wa mbere, Barron.

Trump bamweretse uyu mugore Daniels ubwo ngo yari yaje kureba amarushanwa ya Golf ahahurira n’aba bakobwa bombi b’inshuti Alana Evans na Stormy Daniels bari baje nabo kwirebera. Birangira Daniels hari uburyo ahuyemo na Trump maze uyu mugabo aramubenguka.

Alana avuga ko Trump yahise atumira gusangira uyu mugenzi we uwo mugoroba, Daniels nawe ngo ashishikariza Alana kuza bakaba bari kumwe ariko uyu ngo ntibyamushishikaza kuko yari afite undi mugambi we.

Ati “Stormy yampamagaye inshuro enye cyangwa eshanu, bwa nyuma yampamagaye ari kumwe na Donald nabashaga no kumwumva, arambwira ngo ‘ oooh nawe ngwino Alana, ngwino twishimaneho. Turagutegereje”

Uyu mugore ariko avuga ko kuko yari Donald Trump kandi muri we ngo akaba adakunda cyane abanyembaraga muri Politiki ngo yahisemo kutajyayo ndetse biba ngombwa ko bucyeye asaba imbabazi mugenzi we ko atabashije kuza ngo bishimane n’uyu muherwe, maze nawe amunyuriramo ibihe bagiranye muri imwe muri Hotel ze muri Florida.

Kuwa gatanu nijoro (muri US) White House nayo yasohoye itangazo ryamaganira kure inkuru ya Wall Street Journal ko nta kuri kwayo.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
-xxxx- Kuya 15-01-2018

Andika Igitekerezo Hanno Tramp ibye ntibyoroshye Gusa mbona namwe mukabya kumuvuga ubundi se si umuntu nk’abandi